Милован Рајевац
Милован Рајевац (роден на 2 јануари 1954 година, Чајетин) е поранешен српски фудбалер, а сега фудбалски тренер. Тој е селектор на репрезентацијата на Гана.
.jpg)
Играчка кариера уреди
Рајевац бил одбранбен играч. Играчката кариера ја започнал во Борец од Чачак, а потоа по една сезона настапувал за Црвена ѕвезда и Војводина. Поминал една година во Америка (Њујорк Ероуз)[1] потоа две повторно во Борец, една во Лунд, Шведска и на крајот се збогувал со активното играње во Слобода од Ужице.
Тренерска кариера уреди
Започнал да работи како тренер во Борец од Чачак, потоа го водел клубот Србија од Малме, Ужице Слобода, Прогрес од Франкфурт, Железник, а помошник тренер бил во кинески Пекинг и Црвена ѕвезда, кога на чело на стручниот штаб бил Љупко Петровиќ. персоналот. По оставката на Петровиќ, Рајевац во 2004 година како привремено решение самостојно ја водел Ѕвезда во два натпревари и имал стопроцентен учинок забележувајќи две победи. Бил асистент во катарскиот Ал Сад, а потоа тренер на Војводина и Борец од Чачак.
Рајевац станал селектор на Гана во 2008[2] година со која постигнал историски успех на СП 2010 во Јужна Африка-пласман во четвртфиналето, иако против Уругвај тогаш најдобрата африканска репрезентација била на прагот од полуфиналето.[3] Во првиот натпревар на Светското првенство во Јужна Африка, Гана со Србинот Милован Рајевац на клупата, ја победиле Србија со 1-0.[4] Претходно, на почетокот на истата година, Гана била финалист на Африканскиот куп на нации со Рајевац на клупата. Таа во финалето била поразена од Египет со 1:0. По големиот подвиг во Јужна Африка, Рајевац ја напуштил Гана на 8 септември и заминал во Ал Ахли (Саудиска Арабија), а во 2011 година бил кратко време селектор на Катар, бидејќи бил сменет по поразот на пријателски натпревар со Индија (1:2) и идентичен резултат од Виетнам на гости, во квалификациите за СП 2014 година во Бразил.[5] Во септември 2021 година, по втор пат во кариерата, бил назначен за селектор на репрезентацијата на Гана.[6] По неуспехот на Африканскиот куп на нации 2022 година, каде Гана завршила на последното место во групата со Мароко, Габон и Коморите, Рајевац бил сменет од селекторската функција.[7]
Награди уреди
- Најдобриот српски тренер во 2010 година години во изборот на ФСС.
Наводи уреди
- ↑ Grujic-Rajevac, Jadranka; Radevic, Ivan (2016). „Contemporary models of access to bank customers“. Ekonomski signali. 11 (2): 1–9. doi:10.5937/ekonsig1602001g. ISSN 1452-4457.
- ↑ Raskin, Leon; Dakubo, Jonathan C.B.; Palaski, Nicole; Greenson, Joel; Gruber, Stephen (2012-11). „Abstract B92: Molecular characterization of colorectal cancer in Ghana“. Cancer Prevention Research. 5 (11 Supplement): B92–B92. doi:10.1158/1940-6207.prev-12-b92. ISSN 1940-6207. Проверете ги датумските вредности во:
|date=(help) - ↑ Логунова, А.А. (2016). „«Набукко» Верди: к проблеме большого финала“. ТЕНДЕНЦИИ РАЗВИТИЯ НАУКИ И ОБРАЗОВАНИЯ. НИЦ "Л-Журнал". doi:10.18411/lj2016-3-87.
- ↑ „Приписнова Е.С. Подходы ЕС к урегулированию этнических конфликтов в Африке“. Национальная безопасность / nota bene. 4 (4): 553–558. 2016-04. doi:10.7256/2073-8560.2016.4.17205. ISSN 2073-8560. Проверете ги датумските вредности во:
|date=(help) - ↑ Мамедов, Р.А.; Антонов, В.Ф. (2016). „Характеристики терминологических единиц измерения распределенных атак на отказ в обслуживании канала“. ТЕНДЕНЦИИ РАЗВИТИЯ НАУКИ И ОБРАЗОВАНИЯ. НИЦ «Л-Журнал». doi:10.18411/lj-31-10-2016-3-07.
- ↑ Marković, Marija (2014). „MESTO ZA MENE – DECA NA HRANITELJSTVU U SRBIJI“. Socijalna politika (2): 137–142. doi:10.22182/sp.22014.7. ISSN 0038-0091.
- ↑ Isailović, Jelena; Vidović, Kristijan; Hočevar, Samo B. (2022-02). „Simple electrochemical sensors for highly sensitive detection of gaseous hydrogen peroxide using polyacrylic-acid-based sensing membrane“. Sensors and Actuators B: Chemical. 352: 131053. doi:10.1016/j.snb.2021.131053. ISSN 0925-4005. Проверете ги датумските вредности во:
|date=(help)
