Матје Ладању

Матје Ладању
	Ладану на Тур де Франс 2007
Лични податоци
Цело име	Матје Ладању
Роден	12 декември 1984 (39 г.); По, Франција
Висина	1,81 м
Маса	73 кг
Податоци за клубот
Мом. клуб	Групама-ФДЖ
Дисциплина	друмски и велодромски велосипедизам
Улога	возач
Професионални клубови
2006–	Франсес де же
	Последна промена; 21 јануари 2019

Матје Ладању (француски: Mathieu Ladagnous; р. 12 декември 1984 во По) — француски професионален друмски велосипедист, кој вози за UCI World Tour екипата Групама-ФДЖ.^[1] Тој настапува и како велодромски велосипедист.

Кариера

Ладану станал јуниорски светски првак во медисон во Мелбурн, Австралија во 2002 со неговиот партнер Том Тимбле. Во 2003 ја освоил француската национална титула во бодовната трка за возачи под 23 години. Исто така го освоил и бронзениот медал во поединечниот спринт (под 23 години) и сребрениот медал во медисон со Фабјен Петаншон во елитната класа. Подоцна истата година, тој и Петаншон станале европски прваци на велодромското првенство под 23 години. Една година подоцна, го освоил бронзениот медал во скреч на првенствата под 23 години во 2003. Го подобрил неговиот бронзен резултат во поединечен спринт на државното првенство во злато, додека златото во бодовната трка го заменил со сребро во 2004. Во елитната класа го освоил златото за медисон, повторно заедно со Петаншон.

Во 2005 најпрвин продолжил како велодромски велосипедист и додал уште едно национално сребро под 23 години кон неговите достигнувања во поединечна потера. Освоил и сребрен медал во медисон во елитната класа, повторно во Петаншон. На екипната потера, заедно со Антони Ланжела, Фабиен Санчес и Микаел Мали го освоил златниот медал и станале национални елитни прваци. На европските првенства 2005 го освоил сребрениот медал во бодовната трка. Во 2005 првпат настапил во друмскиот велосипедизам. Веднаш го освоил прологот на Мајнфранкен-Тур (под 23 години) и генералниот пласман. Тој одлучил да се фокусира главно на друмскиот велосипедизам во сезоната 2006, но го освоил златото во екипната потера со Микаел Делаж, Џонатан Мушел, Микаел Пре и Силвен Бланкефор. Ја извозил првата друмска трка во 2006, кога ја освоил петтата етапа на Средоземната трка. Порано таа година, ја освоил петтата етапа и генералниот пласман на Четири дена Динкерк.

Бил именуван во почетниот состав за Џиро д’Италија 2017.^[2]