Леополд III (војвода на Австрија)

Леополд III (германски: Leopold III der Gerechte, роден на 1 ноември 1351 во Виена - починал на 9 јули 1386 во Семпах) — владетел од Хабсбуршката династија како војвода на Австрија (1365–1379), војвода од Штаерска, војвода од Корушка и војвода од Крањска и гроф од Тирол (1365–1386).

Леополд III
Војвода на Австрија
Владеење	1365 - 1395
Претходник	Рудолф IV
Наследник	Албрехт III
Роден(а)	1 ноември 1351 Виена
Починал(а)	9 јули 1386 Семпах
Закопан(а)	манастир Свети Павле
Сопружник(ци)	Виридис Висконти
Деца Вилхелм Леополд IV Ернест Фридрих IV
Татко	Албрехт II
Мајка	Јохана фон Пфирт

Рани години

Леополд III бил син на војводата Албрехт II и Јохана фон Пфирт.

Управување

Неговиот татко Албрехт II во 1355 година го основал Хабсбуршкиот домашен ред, според кој неговите синови заедно и со еднакви права треба да ја водат земјата. Кога тој починал на 20 јули 1358 година, најголемиот негов син Рудолф IV го презел управувањето на териториите, бидејќи другите негови три сина биле малолетни.

Во 1364 година Рудолф IV го основал Рудолфскиот домашен ред, според кој хабсбуршките територии се заедничка сопственост на сите браќа со потписите на тројцата браќа. (Фридрих III починал во 1362 година). По неколку месеци Рудолф IV починал ненадејно на 26 години и двајцата браќа Албрехт III (кој имал 15 години) и Леополд III (кој имал 16 години) започнале да управуваат заедно. Поголемиот брат Албрехт ја имал водечката улога. Наскоро тие дошле до конфликт.

Со договорот од Нојберг од 25 септември 1379 година Албрехт ја добил Австрија, додека Леополд го добил Тирол, Штаерска, Корушка, Крањска, Горица итн. Така презимето Хабсбург се поделило на Леополдска и Албрехтска линија.

Во 1386 година Леополд бил убиен во Битката кај Семпах. Тој бил погребан во манастир Свети Павле во Корушка. Албрехт станал регент на сите хабсбуршки територии бидејќи синовите на Леополд биле малолетни. Албрехт починал во 1395 година и бил наследен од неговиот син Албрехт IV, но наскоро синовите на Леополд успеале да си ги вратат териториите.

Семејство

Леополд се оженил во 1365 година во Виена за Виридис Висконти, ќерка на Војводата Бернабо Висконти од Милано. Тие имале четири деца:

• Вилхелм (1370–1406)
• Леополд IV Дебелиот (1371–1411)
• Ернест Железниот (1377–1424)
• Фридрих IV со празните џебови (1382–1439)

Надворешни врски

Леополд III (војвода на Австрија) Хабсбуршка династија Роден(а): 1 ноември 1351 Починал(а): 9 јули 1386
Владејачки титули
Претходник Рудолф IV	Војвода на Австрија 1365–1379 со Албрехт III	Наследник Албрехт III како sole duke
	Војвода од Штаерска Војвода од Корушка Војвода од Крањска Гроф од Тирол 1365–1386 со Албрехт III (1365–1379)	Наследник Вилхелм и Леополд IV