Крсто Калабуров
Крсто Наков Калабуров — македонски револуционер, учесник во македонското револуционерно движење, член на Македонската револуционерна организација.
| Крсто Калабуров | ||
| ||
| Роден | 15 октомври 1877 Д’мбени, Костурско, Егејска Македонија | |
|---|---|---|
| Починал | 8 октомври 1939 Пловдив, Бугарија | |
Животопис уреди
Калабуров е роден во селото Д’мбени, Костурско на 15 октомври 1877 година, тогаш во Османлиското Царство. Останал сирак и успеал да заврши четврто одделение од образованието. Бил на печалба во Мала Азија.
Во 1902 г. се вратил во родниот крај и стапил во ВМОРО. Учествувал во големата битка кај Локвата на 21 мај 1903 г. Истата година го заменувал војводата Атанас Кршаков кој бил ранет.[1] Во Илинденското востание бил централен војвода и со својата чета бил дел од одредот на Пандо Кљашев и Васил Чакаларов. Во 1904 г. учествувал во битки со грчки андарти во Трсје, Турје и Оштима, а брзо потоа емигрирал во САД.
За време на Балканските војни бил доброволец во Македонско-одринските доброволни чети и се борел во Костурската здружена чета.[2] Добил орден „За храброст“, а во Втората балканска војна бил уапсен од грчките власти во Д’мбени. Бил затворен во Костур, каде е бил измачуван. Покасно бил ослободен по што се преселил во Скеча.[3]
По Првата светска војна живеел во Пловдив. Од 1923 година бил член на Илинденската организација. Починува на 8 октомври 1939 г.[4][5]
Наводи уреди
- ↑ Централен държавен архив, ф. 1075 К (Илинденска организация), оп. 1, а.е. 36 а, л. 19.
- ↑ Македоно-одринското опълчение 1912-1913 г. : Личен състав по документи на Дирекция „Централен военен архив“ (PDF). София: Главно управление на архивите, Дирекция „Централен военен архив“ В. Търново, Архивни справочници № 9. 2006. стр. 331. ISBN 954-9800-52-0.
- ↑ „Кръстьо (Ставро) Калабуров“ (PDF). Илюстрация Илиндень. Илинденска организация. 1 (111): 12–13. 1940. Занемарен непознатиот параметар
|month=(help) - ↑ Николов, Борис Й (2001). Вътрешна македоно-одринска революционна организация: Войводи и ръководители (1893-1934): Биографично-библиографски справочник. София: Издателство „Звезди“. стр. 69. ISBN 954-9514-28-5.
- ↑ Пелтеков, Александър Г. (2014). Революционни дейци от Македония и Одринско (II. изд.). София: Орбел. стр. 197. ISBN 9789544961022.