Википедија

Козачки напад на Цариград (1615)

Козачкиот напад на Цариград од 1615 година — напад врз Цариград од страна на Запорошките Козаци, предводени од Хетман Петро Конашевич-Сагајдачни. Козаците го нападнале пристаништето на градот и го запалиле пред да се вратат во Украина. Успехот на овој напад довел до Хотинската кампања од 1621 година.[1]

Козачки напад на Цариград (1615)

Карта во Скутари (денес: Усќудар), дел од Цариград нападнат од украински Козаци.
Датум 1615
Место Цариград, Отоманско Царство
Исход Козачка победа
Завојувани страни
Хетман Запорошки Козаци Отоманско Царство
Команданти и водачи
Петро Конашевич-Сагајдачни Ахмед I

Али-паша

Сила
~4,000 непознато
Жртви и загуби
непознато Приближно десетина галии и сто чамци

Позадина уреди

Козачките заедници се појавиле во 14 век во украинската степа покрај реката Днепар. Козаците развиле високо милитаристички заедници кои во голема мера биле одговорни за нападите врз Татарите. Соседните држави, вклучително и Кралството Полска, ги користеле во време на судири.[2] Во 1500-тите, Козаците често ги напаѓале кримските Татари и Османлиите со намера да ограбат богатство и да ги ослободат христијанските робови. [3] До 16 и 17 век, Козаците почнале да напаѓаат заедници во Црното Море, вклучувајќи ги градовите Варна, Перекоп, Билхород, Измаил и Требизонд.

Напад уреди

Во мај 1615 година, група Козаци заминале кон Отоманското Царство со осумдесет мали чамци, од кои секој имал приближно 50 луѓе. До средината на јуни тие го преминале Црното Море и пристигнале во околината на Цариград . Козаците ја освоиле и запалиле истанбулската населба Скутари (денес Усќудар), како и пристаништата Мизевна и Архиока. По нападот на градот, Козаците се вратиле во Украина.

Султанот Ахмед I, забележувајќи чад од неговите прозорци предизвикан од пожарот, испратил флота од галии во потера. Османлиите ги пристигнале Козаците на устието на Дунав. Сепак, Козаците ги поразиле и адмиралот на флотата бил заробен. [4]

Последици уреди

Нападот го зацврстил моралот на Козаците, кои успешно продолжиле да ги напаѓаат упориштата кои ниту Светото Римско Царство ниту Полско-литванската Заедница не се осмелувале да ги нападнат. Европските дипломати ја донеле веста за нападот на Козаците на Запад. Францускиот историчар Мишел Баудие напишал: „Единственото спомнување на Козаците носи страв и ужас во Цариград“.

Како одмазда, Ахмед I испратил флота под команда на адмирал Али-паша следната година со намера да изврши напад врз Козаците во Днепар. Овие сили биле пречекани од чајки под команда на Конашевич-Сагајдачни. Козаците повторно ги поразиле Османлиите, заземајќи десетина галии и речиси стотина чамци. Али-паша успеал да побегне.

Козаците потоа го блокирале Кримскиот Полуостров и започнале напад врз Кафа, кој во тоа време бил едно од најважните турски пристаништа на Црното Море и центар на нивната трговија со робови.

Поврзано уреди

Извори уреди

1. Крип'якевич І., Гнатевич Б. и во. Историја українського війська. – Львів, 1992. – С.193-194
2. „Козачка морнарица 16-ти - 17 век“. geocities. Архивирано од оригиналот на 26 октомври 2009 година.
  1. ↑ Stone, Daniel (2014). The Polish-Lithuanian State, 1386-1795. Seattle: University of Washington Press. стр. 146. ISBN 0295980931.
  2. ↑ Prazmowska, Anita (2011). A History of Poland. New York: Palgrave Macmillan. стр. 102. ISBN 9780230252356.
  3. ↑ Stone, p. 146.
  4. ↑ Imber, Colin (2009). The Ottoman Empire, 1300-1650: The Structure of Power. New York: Palgrave Macmillan. стр. 66. ISBN 0230574505.
Преземено од „https://mk.wikipedia.org/w/index.php?title=Козачки_напад_на_Цариград_(1615)&oldid=5174827“