Кале (Коџаџик)

Кале — археолошко наоѓалиште во дебарското село Коџаџик. Претставува древномакедонска, римска и средновековна утвердена населба. Се наоѓа северозападно од селото, на голема височинка што има доминантна положба над пространата територија на Жупа, со можност за контрола на комуникациите во неа. На самиот врв, кој има стрмни карпи и зарамнето плато, постојат остатоци од утврдена населба. Одбранбениот бедем на калето е граден од големи камени блокови во сувоѕидица. До калето води пат послан со кршени камења - калдрма. По површината на тврдината се среќаваат фрагменти од керамички садови, питоси и многу градежен материјал. Во месноста Поткале, покрај патот што води за калето се гледаат гробни конструкции од камени плочи - тип циста.

Поврзано

• Аџи Чорме Мемети — тумул од железното време;
• Ѓурумлук — средновековна некропола;
• Келица — средновековна населба;
• Петко — средновековна населба;
• Коџаџик;
• Список на археолошки наоѓалишта во Дебарско;