Отвори го главното мени

Ивана Шпановиќ (родена на 10 мај 1990) е српска атлетичарка која се натпреварува во дисциплината скок во далечина. Таа е моментален европски шампион во сала во својата дисциплина.

Ивана Шпановиќ
Ivana Spanovic by Augustas Didzgalvis.jpg
Шпановиќ на Светското првенство во сала 2014
Лични податоци
Националност Србија
Роден(а)10 мај 1990 (1990-05-10) (29 г.)
Зрењанин,
СР Србија, Југославија
Висина&100000000000001760000001,76 м
Тежина66 kg (146 lb)
Спорт
СпортАтлетика
ДисциплиниСкок во далечина

Во 2013 година, таа станала првата српска атлетичарка која освоила медал на Светско првенство. Таа е сопственик на српските рекорди во дисциплините: скок во далечина (на отворено и во сала), 60 метри во сала и седмобој.

Шпановиќ е актуелна европска шампионка од првенствата на отворено и во сала. Нејзин тренер е Горан Обрадовиќ и таа е член на атлетскиот клуб Војводина од Нови Сад.[1]

КариераУреди

Првиот медал во кариерата Шпановиќ го освоила на Светското кадетско првенство во 2007, каде со прескокнати 6.41 метри го освоила сребрениот медал. На Светското јуниорско првенство во 2008, таа го освоила златниот медал откако успеала да прескокне 6.61 метри, а веќе следната година се закитила и со златниот медал на Летната универзијада која се одржала во Белград. Шпановиќ исто така била успешна и на Европското јуниорско првенство кое се одржало во Нови Сад, на кое таа успеала да го подобри својот личен рекорд на 6.71 метри со што го освоила сребрениот медал.

На Летните олимписки игри 2012 во Лондон, Шпановиќ успеала да се пласира во финалето во дисцииплината скок во далечина, но во него завршила на последното 11. место.

Во 2013, таа настапила на Европското првенство во сала и завршила на петтото место. На Светското првенство 2013 таа го остварила најдобриот резултат во кариерата дотогаш, освојувајќи бронзен медал со нов државен рекорд од 6.82 метри. Олимпискиот комитет на Србија поради одличниот резултат ја прогласил Шпановиќ за спортистка на годината.

Одличните резултати Шпановиќ ги продолжила на Светското првенство во сала 2014 каде го освоила бронзениот медал. На Европското првенство 2014 таа прескокнала 6.81 метри со што го освоила сребрениот медал. Таа исто така остварила нов личен најдобар резултат од 6.88 метри на митингот од дијамантската лига во Јуџин.

Во 2015 година, таа го освоила својот прв сениорски златен медал, на Европското првенство во сала 2015, во Прага, прескокнувајќи нов државен рекорд од 6.98 метри. На Светското првенство 2015, таа го освоила бронзениот медал постигнувајќи нов сопствен и државен рекорд од 7.02 метри.

Во 2016 година, во текот на сезоната во сала, Шпановиќ го освоила сребрениот медал на Светското првенство во сала подобрувајќи го својот државен рекорд двапати, 7.00 (во првата серија) и 7.07 (во петтата серија). Таа константно била во водство во сите серии на скокови но го загубила златниот медал во шестата серија на скокови кога американката Бритни Рис прескокнала 7.22 метри. Во сезоната на отворено, Шпановиќ најпрво го освоила златниот медал на Европското првенство со прескокнати 6.94 метри, а потоа на Летните олимписки игри 2016 го освоила бронзениот медал со нов државен рекорд од 7.08 метри. Овој медал бил прв медал за Србија во атлетика по шеесет години.

Во 2017 година, таа го освоила златниот медал на Европското првенство во Белград, прескокнувајќи 7.24 метри, скок кој е трет најдолг во историјата на дисциплината, и најдобар во последните 28 години.[2]

Лични рекордиУреди

На отвореноУреди

Дисциплина Резултат Датум Место Рекорд
100 метри 11.90 14 јуни 2014   Сремска Митровица, Србија
Скок во далечина 7.02 м 11 септември 2016   Белград, Србија ДР
Трискок 13.78 м 14 јуни 2014   Белград, Србија

Во салаУреди

Дисциплина Резултат Датум Место Рекорд
60 метри 7.31 31 јануари 2015   Нови Сад, Србија ДР
Скок во далечина 7.24 м 5 март 2017   Белград, Србија ДР
Седмобој 4240 поени 19 јануари 2013   Нови Сад, Србија ДР
  • Појаснување: ДР - Државен рекорд

НаводиУреди

  1. AK Vojvodina - O klubu“, 10 април 2015 (посет. 10 април 2015 г). (на српски)
  2. ВИДЕО: Шпановиќ со историски скок од 7.24 метри го одбрани златото од Прага 5 март 2017; gol.mk

Надворешни врскиУреди

Награди
Претходник
Милан Мачван
Најдобра млада спортистка на Србија
2008
Наследник
Татјана Јелача
Претходник
Милица Мандиќ
Српска спортистка на годината
2013
Наследник
Николина Молдован