Евгени Хачериди

Евгени Григорович Хачериди (роден на 28 јули 1987) — украински фудбалер, дефанзивец на Динамо Киев и Украинската репрезентација.

Евгени Хачериди
Лични податоци
Роден на	27 јули 1987(1987-07-27)
Роден во	Мелитопол, Украина
Висина	&100000000000001980000001,98 м
Позиција	центарлен одбранбен и десен бек
Клупски податоци
Сегашен клуб	Динамо Киев
Број	34
Младинска кариера
	ФК Динамо Киев-2
Кариера*
Години	Клуб	Наст.	(Гол.)
2006-	Олком	25	(1)
2006–2008	→ Волин (позајмен)	24	(2)
2008-	Динамо Киев	76	(2)
Репрезентација ‡
2009-	Украина	28	(3)
* Ажурирано на: 14 февруари 2013 ** Ажурирано на: 14 февруари 2013

Клупска кариера

Тој започнал да игра фудбал во Мелитопољскиот клуб Олком. Во сезоната 2006-2007 бил на заем во екипата на Волин во Втората лига на Украина. Клубот од Лутск бил заинтересиран за талентираниот играч и во летото 2007 година, го откупил неговиот договор.

Во јануари 2008, Евгени се преселил во Динамо Киев, за кој дебитирал на 1 март 2008 во натпреварот против Днипро (1:3 за Динамо). Сумата на трансферот изнесувала 700.000 евра.

Своето деби за сениорскиот тим го имал на 13 септември 2008 во натпревар од Купот на Украина својот прв клуб Олком (победа со 5-0), влегувајќи како замена по 56 минути, на местото на Флорин Чернат.

Дебито во Премиер лигата Хачериди го имал на 18 јули 2009, во натпревар против Чорноморец. Натпреварот завршил 5-0 за Динамо, а Евгени ги одиграл сите 90 минути.

Првиот гол за Динамо Евгени го постигнал на 16 август 2009, во рамките од 1/16 на Украинскиот куп против Арсенал Киев. Голот дошол по корнерот кој го извел Олег Гусев, за Хачериди со глава да ја погоди мрежата на противникот и да му помогне на својот тим да дојде до победа од 2-1 која ги води во следната рунда од натпреварувањето.

Репрезентативна кариера

Тој го направил своето репрезентативно деби за селекцијата на Украина против Англија во победата со 1-0, на Днипро Арената на 10 октомври 2009 година, играјќи го целиот натпревар во одбраната заедно со Олександр Кучер и Јарослав Ракитски Тој, исто така играл во последниот натпревар од групната фаза против Андора во Андора Ла Велја, што завршил со победа од 6-0 на Украина. Бидејќи Украина завршила како втора во групата, зад Англија, тие требало да играат плеј-оф натпревар за пласман на Светското првенство 2010 против земјата од која потекнуваат родителите на Хачериди - Грција. Првиот натпревар во Атина завршил без голови 0-0. Сепак, Украина не успеала да избори место на првенството, бидејќи во реваншот, кој се одиграл на Донбас Арената, тие загубиле со 1-0 а стрелец на единствениот погодок бил Димитрис Салпингидис. Тој исто така бил во составот на својата репрезентација и за Европското првенство 2012 на кое украинците бил ко-организатори заедно со Полска. Украина испаднала од турнирот веќе после првата фаза, откако завршиле со една победа и два порази во групата D.

Надворешни врски

• Евгени Хачериди на soccerway
• Евгени Хачериди на transfermarkt