Отвори го главното мени

Гулаб е мало, слабосјајно соѕвездие создадено во доцниот XVI век. Името потекнува од латинскиот збор columba што означува гулаб. Се наоѓа јужно од Големо Куче и Зајак.

Гулаб
лат. Columba
Columba constellation map mk.svg
КратенкаCol
ГенитивноColumbae
СимболизамГулаб
Ректасцензија05ч 03м &1000000000000005386650053.8.665с–06ч 39м &1000000000000003692629936.9.263с[1] ч.
Деклинација−27,0772038°–−43,1116486°[1]°
Површина270 (°)² (54-то)
Главни ѕвезди5
Бајерови/Флемстидови
ѕвезди
18
Ѕвезди со планети1
Ѕвезди посјајни од 3,00m1
Ѕвезди во полупречник од 10,00 пс (32,62 сг)0
Најсјајна ѕвездаα Col (Факт) (2,65m)
Најблиска ѕвездаГлизе 218
(48,89 сг, 14,99 пс)
Месјеови објекти0
Метеорски дождовинема
Соседни
соѕвездија
Зајак
Длето
Сликар
Крма
Големо Куче
Видливо на ширина од +45° до −90°.
Најдобро се гледа во 21:00 ч. во текот на месец февруари.

ИсторијаУреди

 
Соѕвездието Гулаб набљудувано со голо око.

Соѕвездието Гулаб било осмислено од страна на холандскиот астроном Петар Планциј во 1592 година, за да ги оддели недефинираните ѕвезди во поголемото соѕвездие Големо Куче.[2] Планциј првично Гулаб го претставил на малите ѕвездени карти на неговата поголема ѕидна карта од 1592 година. Исто така е прикажано на помалата светска карта од 1594 година и на другите небесни глобуси.

 
Соѕвездието Гулаб како „Гулабот на Ное“ во Огледалото на Уранија од 1825 година.

Планциј првично соѕвездието го нарекол Гулабот на Ное („Columba Noachi“), во чест на гулабот кој му укажал на Ное дека завршила големата поплава. Ова име се сретнува на небесните глобуси и ѕвездени атласи во раниот XVII век (како Бајеровата Уранометрија од 1603 година.[3]). Гулаб исто така можно е да го претставувал и гулабот кој бил пуштен од Јасон и Аргонаутите на протокот на Црното Море, и им помогнал безбедно да ги поминат опасните Симплегади.[2]

Иако Планциј се смета за создавач на ова соѕвездие, постоењето на соѕвездието Гулаб може да му се додаде Климент Александриски, но не се знае дали се земени ѕвездите од ситата група.[4] Во продолжени ако се земе во предвид и митолошката поврзаност на Гулаб со Јасон и Аргонаутите, и небесната положба на Гулаб над Крма, дел од соѕвездието кое некогаш се нарекувало Бродот Арго, наведува дека ова соѕвездие можеби има антички корени, и покрај пропустот од страна на Птоломеј.[5][6]

На Друштвените острови, ѕвездата Алфа Гулаб (Факт) се нарекувала Ana-iva.[7]

ЗабележителностиУреди

ЅвездиУреди

Поврзано: Список на ѕвезди во Гулаб

Гулаб е неприметливо соѕвездие, најсјајната ѕвезда е Алфа Гулаб, со светлинска величина 2,7. Алфа Гулаб, е сино-бела ѕвезда која се нарекува и Факт, што значи „прстенест гулаб“. Алфа Гулаб е на растојание од 268 сг. од Земјата. Друга именувана ѕвезда во гулаб е Бета Гулаб, кој се нарекува и Вазн. Станува збор за портокалова џиновска ѕвезда со светлинска величина 3,1, на 86 сг. од Земјата.[2]

Гулаб е соѕвездие кое е во сончевиот апекс, Земјата и Сонцето се оддалечуваат од него како што системот се движи низ вселената.

Соѕвездието содржи и пребегната ѕвезда μ Columbae, која најверојатно била исфрлена од од системот ι Orionis.

Далечни објектиУреди

Во Гулаб постои едно збиено ѕвездено јато, NGC 1851, со светлинска величина 7 и на растојание од 35.000 сг од Земјата и истото може да се набљудува од среден аматерски телескоп.[2]

ПоврзаноУреди

НаводиУреди

  1. 1,0 1,1 Columba, constellation boundary. „The Constellations“ (International Astronomical Union). http://www.iau.org/public/constellations/#col. посет. 27 февруари 2014 г. 
  2. 2,0 2,1 2,2 2,3 Ridpath & Tirion 2001, стр. 120-121.
  3. Canis Maior and Columba in Bayers Uranometria 1603 (Linda Hall Library)
  4. Richard H. Allen (1899) Star Names: Their Lore and Meaning, pp. 166-168 <http://penelope.uchicago.edu/Thayer/E/Gazetteer/Topics/astronomy/_Texts/secondary/ALLSTA/Columba_Noae*.html>.
  5. P.K. Chen (2007) A Constellation Album: Stars and Mythology of the Night Sky, p. 126 (ISBN 978-1-931559-38-6).
  6. Chen, p. 126.
  7. Makemson 1941, стр. 281.

Надворешни врскиУреди