Гринхајн-Бајерфелд

Гринхајн-Бајерфелд (германски: Grünhain-Beierfeld) — град во округот Рудни Планини, во сојузната покраина Саксонија, Германија, кој се наоѓа 8 километри источно од Ауе. Настанал на 1 јануари 2005 година со спојување на градот Гринхајн и општината Бајерфелд.

Гринхајн-Бајерфелд
Црквата Св. Никола во Гринхајн Црквата Св. Никола во Гринхајн
Гринхајн-Бајерфелд
Управа
Земја	Германија
Покраина	Саксонија
Округ	Рудни Планини
Градски единици	3
Градоначалник	Јоаким Рудлер (ДХС)
Основни податоци
Површина	22,26 км2
Надм. височина	505 м
Население	5.712 (31 декември 2022)
- Густина	257 жит/км2
Други информации
Часовен појас	CET/CEST (UTC+1/+2)
Рег. табл.	ERZ
Пошт. бр.	08344
Повик. бр.	03774
Портал	www.gruenhain-beierfeld.de
Местоположба на градот Гринхајн-Бајерфелд во рамките на округот Рудни Планини
Карта
Координати	50°34′N 12°48′E

Географија

Местоположба

Градот се наоѓа во североисточниот дел на округот. Највисока точка во градот е Шпигелвалд (шума) на 738 метри надморска височина.

Соседни заедници

На север, градот се граничи со Цвениц, на исток со Елтерлајн, на југ со Рашау, на југозапад со Шварценберг на запад со Бернсбах и Лесниц.

Составни делови

Гринхајн-Бајерфелд има три составни дела:

• Бајерфелд
• Гринхајн
• Вашлајте

Историја

Бајерфелд

Областа околу Бајерфелд била населена во XII век. Како многу други места во Рудните Планини, Бајерфелд бил само едно шумско село (Waldhufendorf). Името на градот потекнува од баварските доселеници (првите два слога, „Beier“ се изговараат на ист начин како германскиот збор Bayer, што означува „баварски“). Во 1233 година, Бајерфелд станал манастирско место со Мајнхард II од Вирбене на гринхајнската опатија. Така, игуменот на Гринхајн ја одржил јурисдикцијата над заедницата до реформацијата.

Меѓутоа, кога дошло рударството, започнал и преминот од чисто земјоделска заедница на индустриска. Зголемувањето на добивките на производителите на прибори за јадење во XVII и XVIII век, како и на индустријата за плочки во XIX век, го направиле градот главна точка на бизнисот. Од почетоците на рачно изработени куќни и кујнски машини, пораснало фабричкото производство во големи претпријатија на почетокот на XX век.

Гринхајн

Манастирски ѕид во Гринхајн

Гринхајн првпат бил споменат во 1150 година. Локацијата на солениот пат од Хале до преминот Пресниц и понатаму до Бохемија ги натерала Систерците да дојдат тука и да основаат манастир. Во 1276 година, Гринхајн ги добил градските права. До 15 век, манастирот го проширил своето поле на влијание, главно преку донации. На почетокот на реформацијата, манастирот зел под своја закрила 56 села и три градови. реформацијата и Триесетгодишната војна биле крајот на манастирот.

Вашлајте

Вашлајте бил првпат документиран во 1531. Веќе од XIII век, рударството започнало во долината Освалд, каде се наоѓа Вашлајте. Покрај среброто, калајот и железото, подоцна почнал да се ископува и мермер. Рударството продолжило до 1920. Рударството има свое влијание и во името на местото, кое се однесува на операцијата миење на рудата на гребен.

Припојувања

На 1 јануари 1999 година, Вашлајте се споил со Бајерфелд.

На 1 јануари 2005 година, Гринхајн и Бајерфелд се споиле, така што дошло и до промена на името во Гринхајн-Бајерфелд.

Култура и знаменитости

Црквата Св. Петар и Павле во Бајерфелд

Руини на Дуделскирхе (Dudelskirche) во Вашлајте

Музеи

• Изложбата Zur Heimatecke во Вашлајте
• Рудникот Herkules-Frisch-Glück во Вашлајте
• Музеј на Црвениот Крст во Бајерфелд

Музика

• Original Grünhainer Jagdhornbläser

Градби

• Остатоци од систерцерски манастир во Гринхајн
• Руини од црквата Свети Освалд (Dudelskirche) во Вашлајте
• Црква Св. Петар и Павле во Бајерфелд
• Црква Св. Никола во Гринхајн
• Кула Крал Алберт (König-Albert-Turm)

Паркови

• Природен парк Вашлајте

Спорт

• Природен базен Гринхајн

Редовни настани

• Löffelmacherfest во Бајерфелд (фестивал на производителите на лажици)
• Klosterfestspiele во Гринхајн („манастирски игри“)
• Harzerfest во Вашлајте

Трите фестивали се одржуваат по ред, секоја година.

Поглед од Шпигелвалд над Гринхајн (во позадина е Schatzenstein)

Економија и инфраструктура

Сообраќај

Гринхајн-Бајерфелд не е поврзан со ниедна друга општина со сојузен автопат; меѓутоа, најважните патни врски се со Шварценберг, близу кого поминува сојузниот автопат Б101 и патот до Цвениц.

Медиуми

• Кабел Журнал (Kabel Journal)

Образование

• 2 основни училишта
• 1 средно улилиште
• 1 стручен училиштен центар

Познати луѓе

Јохан Херман Шајн

Родени во градот

• Јохан Херман Шајн (1586-1630) — композитор
• Фриц Кернер (1873-1930) — поет
• Лизелот Пизер (1917-1998) — економист и политичар, член на Бундестагот

Луѓе поврзани со градот

• Кунц фон Кауфунген (околу 1410-1455) — организатор на грабежот на кнежевството Алтенбург, фатен близу Вашлајте
• Јохан Габриен Лебел (1635–1696) — сопственик на стакларница и производител на железо, умрел во Гринхајн
• Томас Келер (1940- ) — двоен олимписки медалист во санкање, живеел во Бајерфелд
• Ортрун Ендерлајн (1943- ) — натпреварувач во санкање, работел во Бајерфелд

Надворешни врски

• Гринхајн-Бајерфелд на Ризницата ^?
• Службена страница на градот