Горноџумајска Котлина
Горноџумајска Котлина, служб. Благоевградска Котлина (бугарски: Благоевградска котловина; до 5 мај 1950 г. Горноджумайска котловина)[1] — котлина во Пиринска Македонија, во поречието на реката Струма.
Физички одлики уреди
Котловината е длабоко налегната по раседните линии меѓу планините Рила на исток и Влаина на запад. На север чрез Кочериновската Клисура на Струма се поврзува со јужниот дел на Дупничката Котлина (Бобошевско Поле), а на југ преку Орановската Клисура — со Симитлиската Котлина. Најголемата должина на котлината во правец север-југ изнесува 8 км, а ширината ѝ е 4 км. Зафаќа површина од 34 км2. Средната надморска височина изнесува 350 м.
Геологија уреди
Котлината е образувана во текот на плиоценот со потонувањето на раседите. Дното ѝ е покриено со насложно-собирни наноси, а пограничните делови се плиоценски и водотечни наслаги. Голем дел од котлината е зафатен со разлеаниот наносен конус на реката Горноџумајска Бистрица. Во подрачјето на Горна Џумаја извираат минерални води со температура од 54,6 °C и проточност од околу 100 м3/сек.
Клима уреди
Климата е умереноконтинентална со средоземно влијание. Средната годишна температура изнесува 12,6 °C (Г. Џумаја), средната јануарска е 1,2 °C, а средна јулска е 23 °C. Средните годишни врнежи изнесуваат 517 мм.
Хидрографија уреди
Котлината се одводнува од реката Струма и долните теченија на нејзините притоки Горноџумајска Бистрица (лева) и Логодашка Река (десна). Почвите се претежно циметни шумски и наносни, кои заедно со поволните климатски услови го овозможуваат одгледувањето на тутун, зеленчук, овошје, лозја и развитокот на сточарството.
Населени места уреди
Во котлината има еден град и седум села:
- Горна Џумаја (буг. Благоевград)
- Ајдарово (буг. Изгрев)
- Бело Поле
- Делијазмино (буг. Зелендол)
- Крџево (буг. Б’лгарчево)
- Моштанец
- Покровник
- Хасарлак (буг. Рилци)
Сообраќај уреди
Од север кон југ, во потег од 8,7 км минува дел од првокласниот пат бр. 1 од Државната патна мрежа Видин – Софија – ГП „Кулата“.
Од исток кон запад, од Горна Џумаја до с. Делијазмино, во потег од 3,8 км минува дел од третокласниот пат бр. 106 од Државната патна мрежа Горна Џумаја – ГП „Логодаж“ („Станке Лисичково“).
Напоредно на првокласниот пат проаѓа и дел од трасата железничката линија Софија – Горна Џумаја – Кулата.
Поврзано уреди
Наводи уреди
- ↑ Научноинформационен център „Българска енциклопедия“ (2015). Промени в наименованията на физикогеографските обекти в България 1878 – 2014 г. София: Книгоиздателска къща „Труд“. стр. 30. ISBN 978-954-398-401-5.
- Енциклопедия България, том 1, Издателство на БАН, София, 2011, стр. 282.
- Мичев, Н и Ц. Михайлов, И. Вапцаров и Св. Кираджиев, Географски речник на България, София 1980 г., стр. 49 – 50. http://alba-books.com/alba-books/index.php?route=product/product&product_id=7581 Архивирано на 30 јули 2017 г.
Надворешни врски уреди
- Лист од карта К-34-71 Архивирано на 16 октомври 2013 г., Размер: 1:100 000.
- Лист од карта К-34-83 Архивирано на 19 октомври 2013 г., Размер: 1:100 000.
