Гевелсберг

Гевелсберг (германски: Gevelsberg) — град во округот Енепе-Рур, Северна Рајна-Вестфалија, Германија.

Гевелсберг Gevelsberg
Поглед на Гевелсберг Поглед на Гевелсберг
Гевелсберг
Управа
Земја	Германија
Покраина	Северна Рајна-Вестфалија
Адм. подрач.	Арнсберг
Округ	Енепе-Рур
Градоначалник	Клаус Јакоби (СПД)
Основни податоци
Површина	26,27 км2
Надм. височина	160 м
Население	31.198 (31 декември 2023)
- Густина	1.188 жит/км2
Други информации
Часовен појас	CET/CEST (UTC+1/+2)
Рег. табл.	EN
Пошт. бр.	58285
Повик. бр.	0 23 32
Портал	gevelsberg.de
Местоположба на градот Гевелсберг во рамките на округот Енепе-Рур
Карта
Координати	51°19′0″N 7°20′0″E

Зграда во Гевелсберг.

Црквата „Св. Енгелберт“.

Географија

Градот е лежи во долината на реката Енепе во Јужните Ридишта, кои се дел од Рајнските Шкрилни Планини. Гевелсберг е некаде на половина пат помеѓу Вупертал и Хаген, и сместен е во индустриската област Рур. Најниското место е реката Енепе кај Фогелсанг (132 м), а највисокото е ридскиот врв Хагебелингер Копф (336 м). Долг е 7,1 км во правец исток-запад, и исто толку во правец север-југ.

Населби

• Азбек
• Берге
• Гевелсберг
• Зилшеде

Историја

Градот има речиси осумвековна историја. Тука на 7 ноември 1225 г. настрадал Келнскиот архиепископ Енгелберт II, убиен од неговиот братучед, грофот Фридрих Изенбершки.

Во XIX век населението значително се зголемило, претежно поради развојот на железарството.

Сообраќај

Гевелсберг е поврзан со државната патна мрежа со сојузниот автопат A 1 и сојузните патишта B 7 и B 234.

Општината ја опслужуваат неколку регионални железници на сообраќајното друштво „Рајна-Рур“. На месната линија од Хаген до Вупертал има четири станици (Гевелсберг-Кнап, Главната железничка станица, Гевелсберг-Кип и Гевелсберг Запад) на кои застануваат возовите S 8 на Рајнско-рурската приградска железница. Во Енепетал запираат три воза на „Регионал-експрес“, и тоа „Вупер-експрес“ (RE 4) помеѓу Дортмунд и Ахен преку Диселдорф, „Рајн-Минстерланд“ (RE 7) помеѓу Крефелд и Минстер преку Келн и Хам и „Мас-Вупер-експрес“ (RE 13) помеѓу Фенло (Холандија) и Хам преку Менхенгладбах.

Меѓународни односи

Гевелсберг е збратимен со:

• Вандом, Франција
• Шпротава, Полска
• Бутера, Италија Во Гевелсберг живеат околу 1.000 лица од Бутера и Калтанисета (Сицилија).

Празници

• Гевелсбершки панаѓур — последен викенд во јуни
• Квеленфест — секоја година на празниокт Вознесение Христово, од четврток до недела

Познати личности

Во градот се родени или живеат следниве позначајни личности:

• Михаел Крамер (р. 1949) — политичар и европратеник од Зелената партија
• Елизабет Хеген (1906-1997) — месоцопран во Земперовата опера во Дрезден, професор на Музичката академија во Виена
• Александра Поп (р. 1991) — фудбалска репрезентативка
• Клаус-Петер Талер (р. 1949) — велосипедист, повеќекратен светски првак во аматерска и професионална конкуренција
• Клаус Вајс (1942-2008) — џез-тапанар
• Лукас Клостерман (Р. 1996) — фудбалер

Наводи

Белешки

Надворешни врски

• Портал на Гевелсберг (германски)