Вуерхосаурус
Вуерхосаурус — род на стегосауриди диносаурус кој живеел во периодот на рана креда на територијата на денешна Кина и Монголија . Тој бил еден од последните родови на стегосауриди за кој е познато дека постоеле, бидејќи повеќето други живееле во доцната Јура .[3]
| Вуерхосаурус | |
|---|---|
| |
| Научна класификација [ у ] | |
| Непознат таксон (попр): | Вуерхосаурус |
| Вид: | Вуерхосаурус |
| Научен назив | |
| Вуерхосаурус Донг, 1973 [1] | |
| Species | |
| Синоними | |
| |
Откритие и видови
уреди
Wuerhosaurus homheni е типски вид, опишан од Донг Зиминг во 1973 година. Општото име потекнува од градот Вуерхо . Откриено е дека три одделни локалитети во долината Вуерхо содржат материјал од новиот стегосаурус: 64043-5, 64043 и 64045.[1] Остатоците се состоеле од череп, помалку фрагментарни скелет, и паратип IVPP V.4007.[4] Холотипскиот материјал вклучува претежно комплетна карлица и крсна коска која нема седална коска, првите пршлени, два градни пршлени, скапулокоракоид, рамена коска и фаланга, како и две кожни плочи. Три задни каудални пршлени од опашката и делумна лакотна коска на втората единка кои го формираат паратипот.
Помал стегосаурус од формацијата Еџинохоро во Внатрешна Монголија, бил пронајден во 1988 година. Кога примерокот (IVPP V.6877) бил опишан од Донг во 1993 година, тој го добил името W. ordosensis, бидејќи бил на слична возраст и имал слична анатомија. Холотипот на видот вклучува скоро целосно торзо, кое се состои од три вратни пршлени, сите единаесет грбни пршлени (со прицврстени ребра), целосна крсна коска со десна бедрена коскаи, првите пет опашкасти пршлени, сите зглобни. Дополнителен граден пршлен и кожна плоча биле упатени на таксонот кога бил именуван.[2] Во 2014 година Улански го именувал новиот вид на Вуерхосаурус како „W. mongoliensis“, но името е нонус анум .[5] Формално бил опишан како Монголостегус во 2018 година.
Опис
уредиWuerhosaurus homheni веројатно било животно со широко тело. Грегори С. Пол во 2016 година ја проценил должината на 7 метри и тежината на 4 тони .[6] Пронајдени се само неколку расфрлани коски, што ја отежнува целосната обнова.[3] Отпрвин се сметало дека неговите грбни плочи се многу позаоблени или порамни од другите стегосауриди,[7] но Меидмент утврдила дека ова е илузија предизвикана од нивно кршење: нивната вистинска форма е непозната. W. homheni имал карлица од која предниот дел на бедрената коска силно се распламтил нанадвор, што означува многу широк стомак. Нервните боцки на основата на опашката биле исклучително високи.
Според проценките на Пол, W. ordosensis е бил 5 метри долг околу еден тон. И тој имал широка карлица, но нервните ’рбети се пократки. Вратот се смета дека му бил релативно долг.[6]
Класификација
уредиФилогенија
уредиВуерхосаурусот е еден од најпознатите добиени стегосауриди, кои се тесно поврзани со или Дацентрурусот и Хесперосаурусот или Хесперосаурусот и Стегосаурусот, во зависност од филогенетска анализа. Карпентер (2001 [8] ) го ставил Вуерхосаурусот како близок до Хесперосаурус и Дацентрур како базален во Стегосауридите. Вуерхосаурусот бил обновен во друга позиција од страна на Ескасо (2007 [9] ), и сè уште е во роднинска врска со Хесперосаурус, но е основен на Лековисаурусот и Стегосаурусот. Меидмент (2008 [10]) му доделила поинакво место, како најтесно поврзано со Хесперосаурусот, а дури потоа Стегосаурусот. Во поново време, Меидмент (2017 ) ги разработила нејзините претходни анализи и наместо претходното тврдење, го поставила Вуерхосаурусот како најблизок до Стегосаурусот, со тоа што Хесперосаурусот е потесно поврзан со Мирагаја . Овие резултати се прикажани подолу.[11]
| Стегосаурија |
| ||||||||||||||||||||||||||||||||||||||||||||||||||||||||||||||||||||||||
Синонимија со Стегосаурусот
уредиМеидмент и нејзините колеги предложиле во 2008 година дека Вуерхосаурус е помлад синоним на Стегосаурус, и дека W. homheni треба да се преименува во Stegosaurus homheni, а W. ordosensis да е сомнителен таксон. W. homheni бил синонимиран бидејќи холотипот што може да се најде бил сличен на Стегосаурус и поради неговата филогенетска позиција. Вуерхосаурус се наоѓал помеѓу Стегосаурус и Хесперосаурус, а вториот се сметал за вид на Стегосаурус поради неговата возраст, местоположба и анатомија. Бидејќи Вуерхосаурус е смести меѓу два можни вида на Стегосаурус, Меидмент исто така го синонимирала таксонот. Wuerhosaurus ordosensis се смета да биде nomen dubium бидејќи холотипот не може да се најде во збирките на IVPP. Оригиналниот опис не споменува валидни дијагностички црти и ниту еден друг опис не дава одлики, па така таа смета дека таксонот е недијагностички.[10] Ова мислење е оспорено, сепак, од Карпентер (2010 [12] ). Карпентер се залагал за поделба на Hesperosaurus и Wuerhosaurus од Stegosaurus и поделбата на различни видови Stegosaurus од С armatus.
Палеобиологија
уредиВуерхосаурусот бил понизок од повеќето други стегосауриди; научниците веруваат дека бил адаптиран да се храни со ниско растечка вегетација. Вуерхосаурусот, како и другите стегосауриди, можеби имал тагомизатор на крајот на својата опашка, како оној на Стегосаурусот кој имал четири коскени шила кои најверојатно би биле користени за самоодбрана.
Палеоекологија
уредиТипскиот вид, W. homheni, е познат од групата Тугулу, додека W. ordosensis е пронајден во формацијата Еџинохоро. Приближната возраст на Вуерхосаурус е 130 мја[13]
Наводи
уреди- ↑ 1,0 1,1 1,2 Dong, Z. (1973). „Dinosaurs from Wuerho“. Reports of Paleontological Expedition to Sinkiang (II): Pterosaurian Fauna from Wuerho, Sinkiang. 11. Memoirs of the Institute of Vertebrate Paleontology and Paleoanthropology, Academia Sinica. стр. 45–52.
- ↑ 2,0 2,1 Dong, Z. (1993). „A new species of stegosaur (Dinosauria) from the Ordos Basin, Inner Mongolia, People's Republic of China“. Canadian Journal of Earth Sciences. 30 (10): 2174–2176. doi:10.1139/e93-188.
- ↑ 3,0 3,1 Palmer, D., уред. (1999). The Marshall Illustrated Encyclopedia of Dinosaurs and Prehistoric Animals. London: Marshall Editions. стр. 156. ISBN 1-84028-152-9.
- ↑ Dong, Z. (1990). „Stegosaurs of Asia“. Во Carpenter, Kenneth; Currie, Philip J. (уред.). Dinosaur Systematics: Approaches and Perspectives. Cambridge University Press. стр. 255–268. ISBN 978-0-521-43810-0.
- ↑ Galton, P.M.; Carpenter, K. (2016). „The plated dinosaur Stegosaurus longispinus Gilmore, 1914 (Dinosauria: Ornithischia; Upper Jurassic, western USA), type species of Alcovasaurus n. gen."“. Neues Jahrbuch für Geologie und Paläontologie - Abhandlungen. 279 (2): 185–208. doi:10.1127/njgpa/2016/0551.
- ↑ 6,0 6,1 Paul, G.S. (2016). The Princeton Field Guide to Dinosaurs (2. изд.). Princeton University Press. стр. 248. ISBN 978-0-691-16766-4.
- ↑ Dodson, P., уред. (1993). „Wuerhosaurus“. The Age of Dinosaurs. Publications International, LTD. стр. 102. ISBN 0-7853-0443-6.
- ↑ Carpenter, K.; Miles, C.A.; Cloward, K. (2001). „New primitive stegosaur from the Morrison Formation, Wyoming“. Во Carpenter, K. (уред.). The Armored Dinosaurs. Indiana University Press. стр. 55–75. ISBN 978-0-253-33964-5.
- ↑ Escaso, F.; Ortega, F.; Dantas, P.; Malafaia, E.; Pimentel, N.L.; Pereda Suberbiola, X.; Sanz, J.L.; Kullburg, J.C.; Kullburg, M.C. (2007). „New evidence of shared dinosaur across Upper Jurassic Proto-North Atlantic: Stegosaurus from Portugal“. Naturwissenschaften. 94 (5): 367–374. doi:10.1007/s00114-006-0209-8. PMID 17187254.
- ↑ 10,0 10,1 Maidment, Susannah C.R.; Norman, David B.; Barrett, Paul M.; Upchurch, Paul (2008). „Systematics and phylogeny of Stegosauria (Dinosauria: Ornithischia)“. Journal of Systematic Palaeontology. 6 (4): 367–407. doi:10.1017/S1477201908002459.
- ↑ Raven, T.j.; Maidment, S.C.R. (2017). „A new phylogeny of Stegosauria (Dinosauria, Ornithischia)“ (PDF). Palaeontology. 2017 (3): 1–8. doi:10.1111/pala.12291.
- ↑ Carpenter, K. (2010). „Species concept in North American stegosaurs“. Swiss Journal of Geosciences. 103 (2): 155–162. doi:10.1007/s00015-010-0020-6.
- ↑ Donovan, T. (2002). „RE: Tsagantsabian age“. Dinosaur Mailing List. Cleveland Museum of Natural History. Архивирано од изворникот на 2011-11-12. Посетено на 2018-01-08.
- Dong Zhiming (1992). Dinosaurian Faunas of China. China Ocean Press, Beijing. ISBN 3-540-52084-8.