Бедрена коска

Бедрената коска (латински: os ilium) е најголемата коска на карлицата и влегува во состав на зглобната чашка (латински: acetabulum).

Бедрена коска
Преглед на бедрената коска како најголема коска на карлицата.
Зглобна проширена капсула, заден дел (бедрената коска означена на врвот).
Податоци
Назнаки
Латински	Os ilii
MeSH	A02.835.232.611.434
TA	A02.5.01.101
FMA	FMA:16589
[уреди на Википодатоците]

Делови

На бедрената коска се разликуваат:

• масивен дел или тело (латински: corpus osis ilii) што го гради покривот од ацетабулумот;
• крило (латински: ala ossis ilii) претставува горен плочест дел;
• илијачна јама (латински: fossa iliaca) се наоѓа на внатрешната страна од крилото и служи за поврзување на истоимениот мускул;
• зглобна површина (латински: facies auricularis) наликува на уво и служи за поврзување со сакрумот;
• гребен (латински: crista iliaca) претставува завршен дел на крилото;
• горен преден шилец (латински: spina iliaca anterior superior) се наоѓа на предниот крај од гребенот;
• заден шилец (латински: spina iliaca posterior superior) се наоѓа на задниот крај од гребенот;
• надворешна седална страна (латински: facies glutea), поседува седални линии за поврзување на седалните мускули.

Мускули

Мускулите во овој дел го поврзуваат горниот крај од бутната коска со коските од карличниот појас:

• слабинскобедрен мускул (латински: m.iliopsoas), составен од два мускули:
• бедрен мускул (латински: m.iliacus), тргнува од илијачната јама на карличната коска;
• голем слабински мускул (латински: m.psoas major) тргнува од телата и напречните израстоци на слабинските прешлени. Двата мускули со заедничка тетива завршуваат на малата џумка од бутната коска;
• голем седален мускул (латински: m.gluteus maximus) тргнува од крилото на бедрената коска и од крстната коска, а завршува на задната страна од бутот;
• среден седален мускул (латински: m.gluteus medius) се наоѓа под големиот седален мускул и има ист припој како големиот седален мускул;
• најмал седален мускул (латински: m.gluteus minimus) сместен е најдлабоко, а има ист припој како големиот и средниот седален мускул.

Кај животните

Бедрената коска се појавува и кај ’рбетници, вклучувајќи цицачи и птици, но не и кај коскените риби. Сите влекачи имаат бедрена коска освен змиите.

Галерија

• 
  Десна карлична коска (внатрешна површина).
• 
  Илијачна јама на бедрената коска (гледана од далеку).
• 
  Илијачна јама на бедрената коска (гледана од близина).
• 
  Десна карлична коска (надворешна површина).
• 
  Машка карлица (бедрената коска означена во горниот дел).