Вело Змејкоски
Вело Ѓенков Змејкоски ( 1921 во Кичево — 1 октомври 1943 во Буковиќ (планина), Кичевско) — македонски партизан, борец за слобода на Македонија и учесник во НОВ.[1]
| Вело Змејкоски | ||
| ||
| Роден | 1921 година Кичево, Македонија под окупација на Кралство СХС | |
|---|---|---|
| Починал | 1 октомври, 1943 година Буковиќ (планина), Кичевско, Македонија | |
| Националност | Македонец | |
Животопис уреди
По занимање бил столар. Од почетокот на Војната, поточно од 1942 година, како напреден младинец, станал член на СКОЈ, а потоа член на КПМ и одржувал курирски врски на теренот. Во пролетта 1943 година, партиските активности од ќелијата во која членувал ѝ тој, сакајќи да поврзат неколку италијански војници и да ги испратат во Одредот, биле откриени, а Вело преку Карбуница заминал во Лопушник каде се приклучил во Кичевско-мавровскиот партизански одред. Со Одредот учествувал во повеќе акции: Пресека, Карбуница и други борби. Во септември 1943 година, со четата на комесарот Мирко Милески заминал на границата на слободната територија-Буковиќ, каде загинал на 1 октомври 1943 година во борбата со Германците и балистите.[1]