Бучила (Љубаништа)

Бучила — археолошко наоѓалиште во охридското село Љубаништа. Претставува населба од неолитот и некропола од римско време.

Југозападно од манастирскиот комплекс „Св. Наум“, во непосредната близина на албанската караула, во просторот на воениот камп, и на околу 20 м јужно од новата караула на АРМ е откриен ѕид од објект, а покрај него гробови градени од покрупни камења, со насоченост исток-запад. Од овој дел на наоѓалиштето потекнува надгробен споменик — база од мермер со старогрчки натпис. Исто така, во непосредната близина биле откриени гробови без гробни конструкции и во нив најдени железни копја и керамички садови. Во близината на езерскиот брег се најдени фрагменти од неолитска керамика и орудија од камен и кремен (ножиња и стругалки).

Наодите се чуваат во Заводот и музеј во Охрид.

Поврзано

• Список на археолошки наоѓалишта во Охридско