Брјаза
Брјаза или Врјаза (грчки: Βρία, Врија; до 1926 г. Βρυάζα, Врјаза[2]) — село во Катеринско, Егејска Македонија, денес во општината Катерина на округот Пиерија, Грција. Населението брои 319 жители (2021).
| Брјаза Βρία | |
|---|---|
 Поглед на селото од запад | |
  Брјаза | |
|
Местоположба во областа   Брјаза | |
| Координати: 40°16′N 22°19′E / 40.267° СГШ; 22.317° ИГД | |
| Земја | Грција |
| Област | Централна Македонија |
| Округ | Пиерија |
| Општина | Катерина |
| Општ. единица | Шапка |
| Надм. вис. | 330 м |
| Население (2021)[1] | |
| • Вкупно | 319 |
| Час. појас | EET (UTC+2) |
| • Лето (ЛСВ) | EEST (UTC+3) |
Географија и местоположба
уредиСелото се наоѓа на 4 км западно од градот Катерина и 3 км јужно од Ретина, во источните падини на планината Шапка, на надморска височина од 330 м.[3]
Историја
уредиНеговото население уште од порано има грчко потекло.[3]
По Балканските војни во 1913 г. селото е припоено кон Грција согласно Букурешкиот договор, кога броело 128 жители. Нивниот број во 1920 г. се намалил на 112 лица.[3]
Во 1926 година, името на селото било променето во Врија (Βρία).[2]
Стопанство
уредиНаселението произведува пченица, компири и други земјоделски производи, а делумно се занимава и со сточарството.[3]
Население
уредиЕве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 210 | 269 | 354 | 410 | 503 | 394 | 422 | 414 | 319 |
- Извор за 1940-1991 г.: Т. Симовски, Населените места во Егејска Македонија
Општествени установи
уреди- Основно училиште
Самоуправа и политика
уредиВо 1966 година, селото станало самостојна општина, чиј атар зафаќал површина од 20 квадратни километри.[3] Општината Брјаза била приклучена во општината Шапка во 1997 година, која била укината во 2011 година и станала дел од поголемата општина Катерина.
Селото припаѓа на општинската единица Шапка со седиште во селото Ретина, која припаѓа на поголемата општина Катерина, во округот Пиерија. Воедно, селото е дел од општинскиот оддел Брјаза, во кој е единствено село.
Културни и природни знаменитости
уреди_(side_view).jpg)
Цркви
Наводи
уреди- ↑ „Попис на населението од 2021 г. Трајно население“. Државен завод за статистика на Грција.
- ↑ 2,0 2,1 „Μετονομασίες των Οικισμών της Ελλάδας“. Πανδέκτης: Name Changes of Settlements in Greece. Посетено на 10 април 2024.
- ↑ 3,0 3,1 3,2 3,3 3,4 Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 269–270.