Апулија

Апулија (италијански: Puglia, латински: Apulia) — една од 20-те покраини на Италија. Се наоѓа во источниот дел на земјата. Главен град е Бари, а други познати градови се Таранто, Фоџа, Бриндизи, Лече. Апулија е позната како „пета“ на "италијанската чизма".

Потекло на името уреди

Апулија го добила името по древниот народ Апили кои живееле на ова подрачје во времето пред Стар Рим. Италијанското име за оваа покраина е Пуља.

Замокот „дел Монте“ во Андрија

Положба уреди

Апулија е и источна и јужна покраина на Италија. Морето ја опкружува покраината од три страни - на север Јадранско Море, на исток Отрантски Проток и на југ - Јонско Море. На запад се наоѓаат следниве покраини:

југозапад - Базиликата
запад- Кампанија
северозапад - Молизе

Природни одлики уреди

Површината на покраината е 19.358 км² и според тоа Апулија е една од средноголемите италијански покраини. Таа ја сочинува таканаречената пета на италијанската чизма.

Релјеф: Источниот дел (53% од површината) — рамничарско подрачје. Тука се одгледуваат маслинки, агруми, винова лоза). Крајниот западен и северен дел е планински во прегратките на Апенините.

Клима: Климата во поголемиот дел е средоземна со благи зими и долги топли и сушни лета. Бреговата разгранетост е голема. Единствено островските покраини Сицилија и Сардинија имаат подолги брегови. На север излегува на Јадранско Море, а на југ на Јонско Море.

Население уреди

Денес Апулија има преку 4 милиони жители и е една од најнаселените покраини на Италија. Густината на населеност — преку 200 ж./км², што е многу слично со државниот просек. Рамничарскиот дел на покраината е погусто населен.

Етничка слика Во покраината доминира италијанското население, а постојат и мали заедници на Грци. Во последно време се населуваат и значителен број Албанци.

Јазик Службен јазик е италијанскиот од 1861 година. Меѓутоа, локалните дијалекти прилично се разликуваат од стандардниот јазик. Покрај тоа, мал дел од населението зборува грчки и албански јазик.

Надворешни врски уреди

„Апулија“ на Ризницата ^?

www.regione.puglia.it Официјална страница на Апулија
www.nelsalento.com Област Саленто
Туристички водич низ Апулија Архивирано на 23 февруари 2007 г.
Карта на Апулија Архивирано на 10 мај 2006 г.