Алексо Мусалевски
Алексо Мусалевски (роден на 20 јануари 1920 година во село Драгош, Битолско - починал на 22 март 1994 година во Скопје) — македонски агроном, првоборец и општественик.[1]
| Алексо Мусалевски | ||
| Роден | 20 јануари 1920 село Драгош, Битолско, Кралство Југославија | |
|---|---|---|
| Починал | 22 март 1994 Скопје, Македонија | |
| Националност | Македонец | |
| Занимање | агроном партизан | |
Животопис уреди
Алексо Мусалевски завршил Реална гимназија во Битола како талентиран ученик со стипендија. Студиите ги започнал во Земун – Белград, но поради Втората светска војна истите ги прекинал. Се вклучил во НОБ и ја завршил како комесар на Битолско-преспанскиот партизански одред „Даме Груев“. Носител е на Партизанска споменица од 1941. Како ветеран останал во чин мајор.
Во 1946 година ги продолжил студиите на Земјоделскиот факултет во Прага. Поради случувањата во 1948 година се вратил во Скопје и на новоформираниот Земјоделско-шумарски факултет дипломирал како прв студент. Потоа се вработил на истиот факултет како асистент по генетика. Бил на специјализација во Шведска и во Германија. Освен на поголем број објавени научни и стручни трудови, автор е и на пет новосоздадени сорти: ’рж (3), пченица (1) и афион (1). Еден мандат (1953–1957) бил народен пратеник во Народното Собрание на РМ. За својата работа има голем број признанија.
Наводи уреди
- ↑ Ристовски, Блаже, уред. (2009). „Мусалевски“. Македонска енциклопедија. , книга II (М-Ш). Скопје: МАНУ. стр. 999–1000. Text "series " ignored (help)