Јапонски јен

Јен (ISO 4217: JPY, бројчен код: 392) е валута што се користи во Јапонија. Таа е широко распространета како резервна валута, слично на доларот и еврото. На јапонски се изговара како „ен“. Латиничниот симбол за јенот е ¥, додека на јапонски се означува со писмото канџи 円.

Јапонски јен
日本円
Испечатена банкнота од 2000 јени 6-те видови монети на јапонскиот јен
ISO 4217
Код	JPY
Број	392
Показател	0
Составници
Подединица
1/100	сен
1/1000	рин
Симбол	¥
Банкноти
Чести	¥1000, ¥5000, ¥10 000
Ретки	¥2000
Монети	¥1, ¥5, ¥10, ¥50, ¥100, ¥500
Демографија
Воведена	јули 1871
Корисник/ци	Јапонија
Издавач
Централна банка	Банка на Јапонија
Мреж. место	boj.or.jp
Печатар	Национално биро за печатење
Мреж. место	npb.go.jp
Ковачница	Јапонска ковачница
Мреж. место	mint.go.jp
Вредност
Инфлација	0.5% (2019)
Извор	Заводот за статистика и генералниот директор за планирање политики, 2010 Feb. est.

Историја

1 јен 1889 година, цар Муцухито. Сребро.

Монета од 10 јени (задна страна)

Банкнота од 1000 јени со портретот на Нацуме Сосеки. Новите банкноти на јенот во промет се ставени на 1 ноември 2004 година

Јенот како платежно средство е воведен во периодот Мејџи. Тој го заменил комплексниот монетарен систем од Едо периодот заснован на јапонскиот мон. Во 1871 год. било прифатен децималнен систем на пресметување на јенот (1, 圓), шенот (1/100, 錢), и ринот (1/1000, 厘) со монети што биле тркалезни како оние на запад. (“Шен“ и “рин“ се исфрлени од употреба во 1954 година). Јенот официјално е дефиниран како 26.956 грама сребро.

Во периодот од 25 април 1949 до 1971 година јенот бил врзан за американскиот долар, со курс 1 долар = 360 јени. Во 1971 година дошло до паѓање на системот Бретон Вуд и јенот добил пазарен курс.

Означување

Оригиналната ознака за јенот е иста како и ознаката на кинескиот јуан (圓 пинјин yuan 2). Во модерниот јапонски јазик се употребува ознаката (円). Латиничната ознака за јенот е иста како и ознаката за јуанот, со таа разлика што на ознаката за јуан се наоѓа една попречна црта, а на ознаката за јен има две.

Во буквален превод “јен“ значи „тркалезен предмет“, како и “јуан“ на кинески.

Монети и банкноти

Во моментот во оптек се следните монети и банкноти: монети од 1 јен, 5 јени, 10 јени, 50 јени, 100 јени, 500 јени и хартиени пари од 1000 јени, 2000 јени, 5000 јени, 10000 јени. Монетата од 500 јени е монета со најголема вредност во светот.

Курс на јенот од 1949 година до денес

Табелаtа го прикажува односот на јенот и американскиот долар.

година	месец
	јан	фев	мар	апр	мај	јун	јул	авг	сеп	окт	ное	дек
1949 до 1971	360
1985										216
1986										154
1987										147
1988										132
1989										140
1990										137
1991										129
1992										120
1993										106
1994										100
1995										100
1996										112
2003						118	119	120	117	110	109	107
2004	107	106	109	104	110	110	109	111	109