V444 Лебед
V444 Лебед (V444 Cyg / HD 193576 / HIP 100214 / WR 139) [1] двојна ѕвезда во соѕвездието Лебед со привидна величина 7,94. Таа е член на јатото „ Беркли 86“ и е на растојание од околу 6.200 светлосни години од Сончевиот Систем .
| Податоци од набљудување Епоха J2000,0 Рамноденица J2000,0 | |
|---|---|
| Соѕвездие | Лебед |
| Ректасцензија | 20ч 19м 32,42с |
| Деклинација | +38° 43′ 54″ |
| Прив. величина (V) | 7,94 |
| Особености | |
| Спектрален тип | O6III-V/WN5 |
| Променлив тип | Затемнувачка двојна ѕвезда |
| Астрометрија | |
| Радијална брзина (Rv) | 3,00 км/с |
| Сопствено движење (μ) | Рект: -2,343±0,049 млс/г Дек.: -3,670±0,055 млс/г |
| Паралакса (π) | 0.7358 ± 0.0289 млс |
| Оддалеченост | 4.400 ± 200 сг (1.360 ± 50 пс) |
| Апсолутна величина (MV) | -5,9 |
| Податоци | |
| A (Бело-син џин) | |
| Маса | 25 M☉ |
| Полупречник | 10 R☉ |
| Сјајност | 435.000 L☉ |
| B (Волф-Рајеова ѕвезда) | |
| Маса | 10 M☉ |
| Полупречник | 3 R☉ |
| Сјајност | 90.800 L☉ |
| Температура | 82.000 K |
| Други ознаки | |
| Наводи во бази | |
| SIMBAD | — податоци |
Системот се состои од топла сина ѕвезда од спектрален тип O6III-V и Волф-Рајеова ѕвезда од типот WN5. Всушност станува збор за затемнувачка двојна ѕвезда со орбитален период од 4,1 дена, со орбитално занесување од ε = 0,03. Растојанието помеѓу двете ѕвезди е 0,18 ае или 38 сончеви полупречници . Сината ѕвезда е моѓне сјајна ѕвезда, со болометриска сјајност 435.000 пати поголема од сончевата сјајност, Волф-Рајеовата ѕвезда е 90.800 пати посветла од Сонцето. Температурата на површината на ѕвездата достигнува 82.000 К. [2] Набљудуван во рендгенски зраци, парот е посветол од што се очекува доколку поединечно се набљудува секоја од составниците, оваа појава најверојатно се должи од меѓусебното заемнодјство на ѕвездените ветрови од двете ѕвезди, чија температура може да достигне неколку десетици милиони К, со што се придонесува за поголемото зрачење на рендгенски зраци.[3]
Сината ѕвезда е 25 пати помасивна од Сонцето, а придружникот има маса од 10 сончеви маси. Како и останатите Волф-Рајеови ѕвезди, оваа составница на системот губи маса со стапка од 0,6×10−5 сончеви маси годишно, додека пак сината ѕвезда тоа го прави со стапка, која е десет пати помала. Полупречникот на второта составница е 10 пати поголем од сончевиот полупречник и оној на Волф-Рајеовата ѕвезда е 3 пати поголем од оној на нашето Сонце.[3]
Поврзано уреди
Наводи уреди
- ↑ HD 193576 -- Wolf-Rayet Star (SIMBAD)
- ↑ Lamers, H. J. G. L. M.; Nugis, T. (2002). „An explanation for the curious mass loss history of massive stars: From OB stars, through Luminous Blue Variables to Wolf-Rayet stars“. Astronomy and Astrophysics. 395. pp. L1-L4.CS1-одржување: повеќе имиња: список на автори (link)
- ↑ 3,0 3,1 Bhatt, Himali; Pandey, J. C.; Kumar, Brijesh; Singh, K. P.; Sagar, Ram (2010). „X-ray emission characteristics of two Wolf-Rayet binaries: V444 Cyg and CD Cru“. Monthly Notices of the Royal Astronomical Society. 402 (3). pp. 1767-1779.CS1-одржување: повеќе имиња: список на автори (link)