Train of Consequences
Train of Consequences е првиот сингл на Мегадет издаден од нивниот шести студиски албум Youthanasia. Бил издаден и на винил плоча во 1994 год, а истата година успеал да се пласира на американската и британската табела на најпродавани синглови. Бил објавен во повеќе формати и верзии, каде освен оваа песна, биле поставени две нумери од истиот албум, како и неколку постари песни на Мегадет снимени од нивните настапи во живо. На поголемиот број изданија може да се најде песната „Crown of Worms“, која била напишана и компонирана од Шон Харис, поранешниот вокал на Дајмон Хед.
| „Train of Consequences“ | |||||
|---|---|---|---|---|---|
| |||||
| Сингл од Мегадет | |||||
| од албумот Youthanasia | |||||
| Издаден | 10 ноември 1994[1] | ||||
| Формат | ЦД сингл, дигитално спуштање | ||||
| Снимен | 1994 г. | ||||
| Жанр | Хеви метал | ||||
| Должина | 3:26 | ||||
| Издавачка куќа | Капитол | ||||
| Композитор | Дејв Мастејн | ||||
| Продуцент | Макс Норман и Дејв Мастејн | ||||
| Хронологија на синглови на Мегадет | |||||
| |||||
Според Марти Фридмен, оваа песна не била планирана за прв сингл од албумот, но по инсистирање од издавачката куќа Капитол Рекордс, изборот паднал на нејзе.[2] Песната премиерно била изведена во емисијата на Дејвид Летерман.[3] Поради големата маркетиншка застапеност на овој сингл, Youthanasia станал петтиот последователен албум на Мегадет што бил одликуван со награда за платинест тираж.
Песната била снимена на еден поинаков начин од вообичаеното. Бендот се одлучил да ја изведува во живо (сите членови свиреле одеднаш), отколку да прави снимки од секој поединечен перформанс. Овој начин е доста тежок и непопуларен, бидејќи ако еден музичар згреши во било кој дел од песната, бендот мора одново да почне со снимање. На Мегадет им биле потребни 42 обиди за да ја добијат совршената верзија.
Видео запис
уредиСпотот за оваа песна бил осмислен од Вејн Ишам, кому ова му бил четврти ангажман од ваков карактер со Мегадет. Филмското дејство се случува во еден воз, каде што главниот лик ја става на коцка својата судбина. Откако ја губи партијата, се соочува со последиците од неговата неразумност.
Во записот единствено Дејв Мастејн се појавува од сите членови на бендот, и тоа само при крајот на спотот. Овој спот значително бил прикажуван на музичкиот канал MTV, а првото емитување се случило на Ноќта на вештерките (31 октомври), во емисијата Night of the Living Megadeth, посветена музичката кариера на групата.[4][5]
Интерпретација на текстот
уредиТекстот во „Train of Consequences“ говори за зависноста од коцкање. Дејв Мастејн, авторот на песната, излегол со свое видување и толкување на нејзиниот текст:
Оваа песна е за феноменот наречен губитничка серија во коцкањето. Еднаш кога ќе навлезеш во играта, играш сè додека имаш нешто вредно за вложување. Тогаш продолжуваш понатаму, без разлика дали губиш или добиваш. Нема враќање назад. Ако многу губиш, одиш понатаму со надеж дека ќе се опоравиш, без оглед колку тие надежи се реални.
А кога веќе си заразен, тогаш си и заробен, врзан си за картите. Додека ти исчезнуваат парите, панично ги одбројуваш деновите до твојот конечен крах. Имам разбрано дека и Ник Менза имал сличен проблем.
Список на песни
уреди- „Train of Consequences“ – 3:28
- „Crown of Worms“ – 3:22
- „Black Curtains“ – 3:41
- „Peace Sells“ (во живо) – 4:14
- „Ashes in Your Mouth“ (во живо) – 6:30
- „Anarchy in the U.K.“ (во живо) – 4:10
- Капитол Рекордс 7243 8 81842 2 9
Музички персонал
уредиПласман на табелите
уреди| Година | Табела | Позиција |
|---|---|---|
| 1994 | Рок нумери (САД) | 29 |
| 1994 | Британска табела за синглови | 22 |
Наводи
уреди- ↑ Основни информации за синглот
- ↑ „Коментар на Марти Фридмен во врска со песната (2002)“. Архивирано од изворникот на 2011-08-14. Посетено на 2013-01-09.
- ↑ „Снимката од настапот на бендот“. Архивирано од изворникот на 2016-03-05. Посетено на 2013-01-09.
- ↑ Првиот дел од ТВ програмата
- ↑ Вториот дел од ТВ програмата