Црква „Мали Свети Врачи“
Свети Кузман и Дамјан попозната како Мали Свети Врачи — македонски православен храм во Охрид. Се наоѓа веднаш под црквата Св. Константин и Елена, во непосредна близина црквата „Пресв. Богородица Челница“.[1] Нема податоци за времето на подигањето на црквата бидејќи е уништен поголемиот дел од фрескоживописот. Најпозната икона од оваа црква е претставена на аверсот од банкнотата на 1000 денари.[2]
  Мали Свети Врачи
Св. Кузман и Дамјан | |
Поглед кон црквата | |
| македонска православна црква | |
| Епархија | Дебарско-кичевска |
| Архијерејско намесништво | Охридско |
| Парохија | Прва охридска |
| Местоположба | |
|---|---|
|
| |
| Место | Охрид |
| Општина | Охрид |
| Држава | Македонија |
| Општи податоци | |
| Покровител | Свети Кузман и Дамјан |
| Живопис | 14 век |
| Архитектонски опис | |
| Архит. тип | еднокорабна |
Опис
уреди- Живопис
Живописот на црквата датира од XIV век. Највпечатливи се насликаните портрети на патроните од оваа црква, светите врачи Кузман и Дамјан, насликани на јужниот ѕид во една засведена арка. Во оваа црква за првпат е насликан Св. Климент Охридски, кој како патрон и заштитник на Охрид е претставен со модел на градот, кој го држи во рацете. Во олтарната апсида е насликан ликот на охридскиот архиепископ Константин Кавасила.
- Иконостас
Сочуваниот дрвен иконостас со тордирани столбови, е најстариот сочуван иконостас од XIV век во Македонија.[3] По конзерваторските работи од 1964 година, тој е целосно консолидиран. Иконостасот ја зафаќа целата широчина на коработ (околу 3 м), a висок е 190 см. Составен е од пет монолитни колонки во резба со капители и архитрав над нив. За разлика од едноставниот, без резба, архитрав, сите други делови на иконостасот имаат извонредна уметничка резбана изведба. Освен двете јужни колони кои се слични само со украсниот мотив на т.н. „Херкулов јазол", другите две колони се сосема различни: едната со изглед на преплетено јаже, а другата на тордиран столб. Бидејќи најстарата фреско-декорација во оваа црква потекнува приближно од 1325 година, се смета дека и иконостасот во црквата е од тоа време, нарачано од истиот анонимен ктитор. Двете најубави колони од овој иконостас денес се наоѓаат во Ширванот на најгорниот кат во куќата на Робеви, кој служи како охридска резиденција.
Галерија
уреди-
Дел од внатрешноста -
Поглед кон олтарниот дел -
Иконостасот од задната страна
Поврзано
уреди- Црква „Големи Свети Врачи“, исто така во Охрид
Наводи
уреди- ↑ „Црквата Мали Свети Врачи“. Општина Охрид. Архивирано од изворникот на 2012-02-19. Посетено на 2012-03-23.
- ↑ „1000 ДЕНАРИ“. Народна банка на Македонија. Архивирано од изворникот на 2012-05-08. Посетено на 2012-03-23.
- ↑ Василевски, Игор (22 октомври 2012). „Македонската резба - гордост или научно табу“. Ахитект.мк. Архивирано од изворникот на 2011-07-23. Посетено на 2012-03-23.
Надворешни врски
уреди
Црква „Мали Свети Врачи“ на Ризницата ?
