Цирков

Цирков (германски: Zirkow) — општина во округот Западна Померанија-Риген, во Мекленбург-Западна Померанија, Германија. Се наоѓа на островот Риген во Балтичкото Море.

Цирков
Црква во Цирков Црква во Цирков
Цирков
Управа
Земја	Германија
Покраина	Мекленбург-Западна Померанија
Округ	Западна Померанија-Риген
Месна заед.	Менхгут-Границ
Градоначалник	Гундула Кнебе
Основни податоци
Површина	25,62 км2
Надм. височина	25 м
Население	705 (31 декември 2022)
- Густина	28 жит/км2
Други информации
Часовен појас	CET/CEST (UTC+1/+2)
Рег. табл.	RÜG
Пошт. бр.	18528
Повик. бр.	038301, 038393
Портал	www.amt-moenchgut.de
Местоположба на Цирков во рамките на округот Западна Померанија-Риген
Карта
Координати	54°23′N 13°32′E

Географија

Цирков се наоѓа во биосферниот резерват Југоисточен Риген помеѓу малиот град Путбус и балтичкото одморалиште Бинц. На североисток се граничи со Шмахтерското Езеро близу Бинц.

Општински единици

Во рамките на општината Цирков се наоѓаат следниве села: Алт Зилиц, Далквиц, Нистелиц, Пантов, Шмахт, Зерамс и Фирвиц.

Историја

Селото Цирков било првпат споменато во 1495. Името на местото доаѓа од словенскиот збор сираков, кој означува „место на сирак“.

До 1326, областа била дел од Кнежевството Риген, а потоа на Војводството Померанија.

До Вестфалскиот мир во 1648 Риген, а со тоа и Цирков, биле под шведска власт. Во 1815, селото заедно со Западна Померанија, потпаднале под пруската Покраина Померанија.

Во 1818, Цирков станал дел од округот Риген и останал таму сè до 2011, освен малиот период од 1952 до 1955 кога бил дел од округот Путбус. Во 2011 станал дел од новосоздадениот округ Западна Померанија-Риген.

Знаменитости

• Тулната црква со основа од првата половина на XV век
• Историскиот центар на селото со заштитени фахверк куќи
• Природен резерват Шмахтерско Езеро
• Ридот Ригенска девица (Rügener Jungfrau)

Надворешни врски

• Официјална страница на Цирков