Хинте

Хинте (германски: Hinte) — општина во округот Аурих, во сојузната покраина Долна Саксонија, Германија. Се наоѓа околу 20 километри јужно од градот Норден и 6 километри северно од безокружниот град Емден.

Хинте
Црквата во Зурхузен со најкрива камбанарија во светот Црквата во Зурхузен со најкрива камбанарија во светот
Хинте
Управа
Земја	Германија
Покраина	Долна Саксонија
Округ	Аурих
Месни единици	8
Градоначалник	Уве Редениус (независен)
Основни податоци
Површина	48,06 км2
Надм. височина	0 м
Население	7.272 (31 декември 2022)
- Густина	151 жит/км2
Други информации
Часовен појас	CET/CEST (UTC+1/+2)
Рег. табл.	AUR
Пошт. бр.	26759
Повик. бр.	0 49 25
Портал	www.hinte.de
Местоположба на Хинте во рамките на округот Аурих
Карта
Координати	53°25′0″N 7°12′0″E

Географија

Местоположба

Хинте се наоѓа во Источна Фризија во крајниот северозапад на Германија. Административно припаѓа на округот Аурих во сојузната покраина Долна Саксонија. Општината се наоѓа во југозападниот дел на округот во непосредна близина на безокружниот град Емден. Окружниот град Аурих се наоѓа 23 километри североисточно, додека дел од окружната управа се наоѓа во градот Норден (25 километри на север).

Општински единици

Хинте има над 7.000 жители, а скоро 40% од нив живеат во главното место Хинте.

Следниве единици припаѓаат на општината Хинте (во заградите се бројот на жители во 2006 г.):

Единица	Жители	составни места и имоти
Хинте	2.830	Крингверум, Флихаус, Виххузен
Лоперзум	1.400	Абингвер, Бауерслуст, Ајзингхузен, Клајн-Занде, Лоперзумер Грасхаус, Лоперзумер Медехаус, Мербуден, Мајнерсхоф, Вилхелмсхоф
Зурхузен	1.175	Ханеборг, Ондерберг, Штикелборг, Зурхузер Хамрих, Тителборг
Грос Мидлум	760	Хорст, Лојхтенбург, Грос Мидлумер Меде
Остерхузен	500	—
Вестерхузен	320	Грос-Албрингсвер, Харсвегер Цигелај, Мосенбург, Штатвик, Вестерхузер Нојланд
Киркверум	200	Клајн-Крингверум
Канхузен	170	Лангевер
Вкупно	7.355	—

Соседни општини

Хинте се граничи со следниве општини (почнувајќи на југ, надесно): градот Емден, општината Крумхерн, општината Вирдум (во општинската заедница Брокмерланд), општината Зидброкмерланд. Освен безокружниот град Емден, сите други општини се наоѓаат во округот Аурих.

Галерија

• 
  Ветерница во Хинте
• 
  Замок Хинта
• 
  Црква во Вестерхузен

Надворешни врски

• Хинте на Ризницата ^?
• Официјална страница (германски)