Крумхерн
Крумхерн (германски: Krummhörn) — општина во округот Аурих, во сојузната покраина Долна Саксонија, Германија. Се наоѓа близу устието на реката Емс, околу 15 километри југозападно од градот Норден и 10 километри северозападно од безокружниот град Емден.
| Крумхерн | |
 | |
| |
  Крумхерн | |
| Управа | |
| Земја | Германија |
|---|---|
| Покраина | Долна Саксонија |
| Округ | Аурих |
| Месни единици | 19 окрузи |
| Градоначалник | Хилке Лоден (независен) |
| Основни податоци | |
| Површина | 159,2 км2 |
| Надм. височина | 0 м |
| Население | 11.838 (31 декември 2022)[1] |
| - Густина | 74 жит/км2 |
| Други информации | |
| Часовен појас | CET/CEST (UTC+1/+2) |
| Рег. табл. | AUR |
| Пошт. бр. | 26736 |
| Повик. бр. | 04923, 04926, 04927 |
| Портал | www.krummhoern.de |
| Местоположба на Крумхерн во рамките на округот Аурих | |
 | |
| Координати | 53°26′0″N 7°05′0″E / 53.43333° СГШ; 7.08333° ИГД |
Географија
уредиОпштината се наоѓа непосредно на реката Емс, која се влива во Северното Море западно од местото. Административното седиште на општината, Певзум, се наоѓа околу 10 километри северозападно од безокружниот град Емден и 15 километри јужно од градот Норден. Окружниот град Аурих се наоѓа околу 26 километри источно од местото. Со површина од 159,2 квадратни километри, Крумхерн е петта најголема општина во Источна Фризија и втора најголема во округот Аурих.
Општински единици
уредиОпштината Крумхерн се состои од деветнаесет единици, кои до општинската реформа во 1972 година биле самостојни општини. Секоја од овие поранешни општини се состои од повеќе имоти/места, вкупно повеќе од 150.
Општината се состои од следниве места (бр. на жители на 31 декември 2018 г.):
|
|
|
Главното место – и со околу 3.200 жители најголемо место – во општината е Певзум. Гретзил (1.328 жители) поседува туристички потенцијал.
Останатите 17 села се значително помали.
Соседни општини
уредиКрумхерн се граничи на север со градот Норден, на исток со општината Остел, една ексклава на општината Упгант-Шот и со општината Вирдум (сите три во општинската заедница Брокмерланд). На југоисток се граничи со општината Хинте. Сите овие места се наоѓаат во округот Аурих. На југ општината се граничи со безокружниот град Емден, а западно од Крумхерн се наоѓа Емс.
На спротивниот брег од Емс се наоѓа холандскиот брег помеѓу градот Делфзејл и Емсхавен.
Заштитени подрачја
уредиНа северозападниот раб од Крумхерн кај Гретзил се наоѓа заштитеното подрачје „Лајхерн“, кое зафаќа површина од 650 хектари.[2]
Галерија
уреди-
Пумпарницата во Гретзил -
Селото Ризум -
Општинското собрание во Певзум -
Ветерници во Гретзил
Наводи
уреди- ↑ „Населеност на окрузите, општините и месните заедници во Долна Саксонија на 31 декември 2022“. Служба за статистика и комуникациска технологија на Долна Саксонија. јули 2023. (германски)
- ↑ Angaben des Niedersächsischen Landesbetriebs für Wasserwirtschaft, Küsten- und Naturschutz.
