Томе Бадаревски
Томе Бадаревски (Љубанци, Општина Бутел, 13 мај 1968 – Љуботенски Бачила, Љуботен (Скопско), 10 август 2001) бил македонски бранител, војник од резервен состав на АРМ и учесник во воениот конфликт во Македонија во 2001 година. Загинал на 10 август 2001 заедно со седуммина соборци, откако камион на АРМ полн со муниција налетува на две нагазни мини поставени на шумскиот пат на правецот Љубанци - Љуботенски Бачила на Скопска Црна Гора, на околу 5 км од селото.[1]
| Томе Бадаревски | |
|---|---|
| 13.05.1968 – † 10.08.2001 (33 г.) | |
 | |
| Роден во: | Љубанци, Скопско,  |
| Починал во: | Љуботенски Бачила,  |
| Служба во: |  Македонија |
| Чин: |  Војник од резервен состав |
| Битки/војни: | Војна во Македонија 2001
|
| Одличја: | 
Медал за храброст |
Животопис
уредиЖивот, војната 2001 и сведоштва
уредиТоме Бадаревски е роден на 13 мај 1968 година во селото Љубанци на Скопска Црна Гора. Томе живееше скромно и домаќински негувајќи ја традиционалната лојалност и приврзаност кон својата земја. Живописноста на скопското село Љубанци ја чувствуваше и се одушевуваше на себесвојствен начин. Свесен за суровоста на воената криза, решително се стави самиот на бранителската задача.
На неговиот патриотизам и храбрсот, терористите ја спротивставија својата злоба, подлост и кукавичлук прекинувајќи ги животот на Томе и семејните очекувања на потомството кое остана без татковата грижа. Бадаревски имал многу пријатели меѓу Албанците во Љуботен. Често контактирал и се дружел со нив. Со неколкумина од нив бил другар од детството. Кога требаше да се врати дома, на 10 август 2001, кај Љуботенските Бачила, од подметната мина и друг експлозивен материјал настрада Гоце заедно со братучед му Томе Бадаревски и други шест војници. Гоце Чанкуловски и Томе Бадаревски биле први братучеди од две сестри, блиски како браќа. И во смртта останале заедно. Се качиле последни во камионот што требало да се спушти кон Љубанци. Всушност, трчале за да го стигнат и да се качат и тие, иако дотогаш постојано си доаѓале пеш дома.[2]
Томе зад себе остави сопруга и две деца. Бадаревски посмртно е одликуван со медал за храброст од Претседателот на Р Македонија.[3]
Поврзано
уредиНаводи
уреди- ↑ „Цвеќе за жртвите кај Љуботенски Бачила“. Утрински Весник. 10 август 2014. Посетено на 2015-08-27.[мртва врска]
- ↑ „Татковино, за што загинавме?“, Македонска книга 2002, стр. 177 – 180.
- ↑ „Медал за храброст за сите загинати припадници на вооружените сили на Република Македонија“. MKD.mk. 17 август 2012. Архивирано од изворникот на 2019-03-29. Посетено на 2018-01-29.