Тихомир Јанчовски

Тихомир Јанчовски е современ македонски поет, писател и преведувач.

Биографија и творештво

Јанчовски е роден во 1967 во Скопје. Дипломирал општа и компаративна книжевност на Универзитетот Св. Кирил и Методиј, 1991 година. Специјализирал во Будимпешта, на катедрата за Средновековни студии на Централно Европскиот Универзитет. Се занимава со поезија, превод, медиевистика. Живеел на многу места во Македонија и светот: Скопје, Охрид, Брисел, Сежана, Постојна, Будимпешта, Лондон, Амстердам, Робово, Брајчино, Скијатос, Сараево. Работел многу професии, најмногу како професор по литература и светска историја. Досега објавил над триесет книги, главно поезија, преводи, романи и една книга историја. Има правено и претстави. Живее и работи во Скопје и на Скопска Црна Гора. Избори од неговата поезија се преведувани и објавувани во различни литературни списанија (Млад борец, Студентски збор, Proglas, Texas Poetry Review, Život, Journal, Blesok, Voix Mediteranee…) Преведуван е на англиски, француски, словачки, хрватски, албански, босански, грчки, германски, грузиски, персиски и италијански јазик. Има направено превод на Руми „Два света“.

Книжевно творештво

Досега ги има објавено следниве книги:

• Обични зборови, Табернакул, 1999;
• Два, Кинематика, 2002;
• Последно време, Блесок, 2005;
• Осама, Или-или, 2010;
• О, ти, Темплум, 2011;
• Староста може, а и не мора да се дочека, Матица, 2013;
• Од збор до збор, (избор), Антолог, 2016;
• Игла и конец, Матица, Скопје, 2016;
• Godine, Buybook, Sarajevo, 2017;
• The noise of Loneliness, Inner Child Press, New Jersey, 2018;
• Влакно на јазикот, Матица македонска,2018;
• Лидија или сѐ што знам за жените, во сопствено издание од 2018 е негов прв поетски роман.
• Како ми скроија капа, колумни, Матица, Скопје, 2018
• Тихување, сопствено издание, 2019
• Лидија, или сѐ што знам за жените (аудиокнига), 2019
• Сѐ што знам за животот, роман-дневник, сопствено издание, Скопје, 2020
• Последно време, Стрип Квадрат, Скопје, 2021
• Несреден век, Стрип Квадрат, Скопје, 2021
• Приказни за деца и животни, Сивејан, Скопје, 2022
• Патина, роман-дневник, Стрип Квадрат, Скопје, 2022
• Ден-година, сопствено издание, Скопје, 2023

Од 2013 до 2016 објавувал колумни во Утрински весник, во рубриката „Рурбано“. Има и издадено книга колумни „ Како ми скроија капа и други записи“ (декамври 2018). Од 2021 објавува колумни во месечникот „Економија и Бизнис“.

Останати дела од авторот:

• Св. Пантелејмон, Нерези, историја, архитектура, живопис (мултимедијално ЦД, комплетно авторство Т.Ј) , Табернакул, Скопје, 2000
• Пештерските цркви во Македонија (сценарио за док. филм) , Дигитпроп, Скопје, 2001
• Монаштвото во Македонија, Сигмапрес, Скопје, 2010 (современа историја).
• Ќелешот и змијата, адаптација за претстава, 2023

Преводи

• Ава Антониј, Атанасиј од Александрија,Табернакул, Скопје, 1997
• Историја на светот, Плантаџенет Сомерсет Фрај, Просветно дело, Скопје, 2001
• За молитвата, извадоци од Добротољубието, Taбернакул, Скопје, 2004
• Живи мошти, Иван С. Тургењев, Православен пат, Скопје, 2007
• Нерези, Донка Б. Трајковска (на англиски), Сигмапрес, Скопје, 2006
• Три најважни вистини за човекот, Иван Маринковиќ, Скопска Митрополија, 2008
• Пиратологија, Даглас Хир, Табернакул, Скопје, 2008
• Компаративен уставен инженеринг, Џовани Сартори, Табернакул, Скопје, 2009
• Корупција и власт, Сузан Роуз Ејкерман, Центар за граѓански комуникации, Скопје 2012.
• Господар на Скопје и други песни, Ахмед Буриќ, Готен, Скопје, 2015
• Два света, Мевлана Џелалудин Руми, Матица, Скопје, 2018
• Мајчин јазик и други песни, Ахмед Буриќ, Блесок, Скопје, 2018
• Условна слобода, антологија на современата БХ поезија, Скопје, 2018
• Записи за молитвата, Евагриј Понтиски, Метаноја, Скопје, 2018
• Бескрајни можности, Мајк Дули, Матица, Скопје, 2020
• Без граници, Џим Квик, Матица, Скопје, 2021
• Крв и убавина, Сара Дунант, Матица, Скопје, 2021

Поврзано

• Македонска книжевност