Матица македонска

Матица Македонска, позната и како Клуб Матица — македонска издавачка куќа, со седиште во Скопје.

Логото на Матица Македонска

Историја

Ова книгоиздавателство е основано во почетокот на 90-тите години на XX век од страна на поетот Раде Силјан, кој потоа бил и негов директор. Со текот на времето, „Матица македонска“ прераснала во една од најголемите издавачки куќи во Македонија. Во склоп на издаваштвото, функционира и продавница, која се наоѓа на бул. Климент Охридски во Скопје, но книгите од оваа издавачка куќа се застапени во голем број други книжарници низ земјата.

Специјално дизајнираното лого по повод 20-годишниот јубилеј на издаваштвото

Издавачка дејност

Каталогот на „Матица македонска“ содржи поголем број наслови, како:

• Рената Тренеска, „Сепа“, 1996.
• Меша Селимовиќ, „Дервишот и смртта“, 2000.
• Жан Батист Молиер, „Тартиф“, 2002.
• Виктор Иго, „Клетници“, 2003.
• Оливера Николова, „Кадифената покривка – новелети за жени убијки“, 2015.
• Ана Бунтеска, „Стави лајк на сопствениот живот“, 2015.
• Ана Бунтеска, „Колку е потребно за среќа“, 2016.
• Ана Бунтеска, „Да му се насмееш на животот“, 2017.

Други активности

„Матица Македонска“ организира многубројни манифестации поврзани со литературата, од кои најпознати се двата нивни фестивали на книгата, односно Саемот на книги, кој се одржува редовно во последните николку години во текот на февруари, како и летниот фестивал, наречен Со книга на плажа, кој, исто така, е од традиционален карактер. Овие два фестивали се многу попуарни меѓу целото македонското население, бидејќи има големо намаление на речиси целиот асортиман во книжарницата, а истовремено се случуваат и промоции на нови наслови како од македонски автори, така и преводи на познати странски дела.

Надворешни врски

Официјално мрежно место