Таќо Симјаноски
Таќо Милошов Симјаноски ( 1918 во Иванчишта, Кичевско — 1945 во Гарешница, Хрватска) — македонски партизан, борец за слобода на Македонија и учесник во НОВ.[1]
| Таќо Симјаноски | ||
| ||
| Роден | 1918 година Иванчишта, Кичевско, Македонија под окупација на Србија. | |
|---|---|---|
| Починал | април, 1945 година Гарешница, Хрватска | |
| Националност | Македонец | |
Животопис уреди
Потекнувал од многу сиромашно семејство. Бил принуден да чува овци и да работи најтешки земјоделски работи. Увидувајќи ги целите на фашистичкиот окупатор, се определил за борба против него. Во летото 1943 година, преку воспитните групи во селото бил вклучен во НОВ во Групата баталјони. Со заминувањето на Бригадата за Егејска Македонија, останал во своето село, а пролетта повторно бил во Бригадата. Учествувал во повеќе борби низ Западна Македонија, а есента 1944 година заминал на Сремскиот Фронт каде загинал при пробојот кај местото Гарешница (старо име:Кајгана) во април 1945 година.[1]