Сува Река (Скопска)
Сува Река — река, суводолица во Македонија, која протекува југозападно од градот Скопје. Како што укажува и нејзиното име таа претставува суводолица, која има постојан и висок водостој за време на топењето на снеговите на Караџица во текот на пролетните месеци, кога таа течејќи на неколку места го преплавува асфалтниот пат кон околните села, а вода има и за време на врнежи, додека во летниот период нејзиното корито е целосно суво. Според записите на македонскиот револуционер Ѓорче Петров во книгата Материјали по изучувањето на Македонија, Сува Река настанува со составувањето на 2 потока: од самата Сува Река и Патишка Река[1]. Првата започнува да тече во долот кој ја разделува Сува Гора (Скопска) од Рудина и ги собира водите од северозападниот крај на Каршијак[1]. Патишка Река започнува да тече на Црн Врв недалеку од езерата (Салаковски Езера, н.з.) и надолу слегува по длабокиот дол помеѓу Караџица и Ибраимица[1]. Двете се соединуваат на 1 час под селото Јаболци, а уште 1 час подолу под името Сува Река заедничките води се влеваат во Маркова Река од левата страна спроти село Варвара[1]. Како што покажува и самото име на реката, Сува Река е суводолица без посебен извор и без вода преку летото, но затоа кога дотекува таа е доста бујна и страшна[1].
| Сува Река | |
|---|---|
.jpg) Течението на реката веднаш крај крстосницата на патот кон Осинчани и Патишка Река | |
| Местоположба | |
| Држава |  Македонија |
| Општина |  Сопиште |
| Село | Држилово, Јаболци |
| Физички особености | |
| Извор | |
| • место | м.в. Присој кај Држилово |
| Устие | |
• место | м.в. Гореница кај Маркова Сушица |
| Должина | 12 км |
| Особености на сливот | |
| Течение | Маркова Река → Вардар → Егејско Море |
Наводи уреди
- ↑ 1,0 1,1 1,2 1,3 1,4 Петров, Ѓорче (1896). превод: Марио Шаревски (уред.). Материјали по изучувањето на Македонија (2016. изд.). Скопје: Единствена Македонија. стр. 196. ISBN 978-608-245-113-8.