Стојан Карастоилов

Стојан Карастоилов или Стојан војвода е роден во 1848 година во с. Старчишта (денес Периторио, Грција), Драмско[1]. Како ајдутски војвода дејствувал во реонот на Неврокопско, Драмско и Црна гора. За време на Руско-турската војна (1877-1878) со четата дејствувал во Серско и Мелнишко. По потпишувањето на Берлинскиот договор се судрува со турски башибозук во Неврокопскиот реон, а во август истата година се префрла во Горна Џумаја. Еден од војводите на Кресненското востание. Под негово водство востанички одред поразува и заробува турска воена трупа кај кресненските анови на 5 - 6 октомври 1878 година. Избран е за главен војвода од востаничкото раководство. Со големо искуство ги раководил востаничките сили. Влегува во конфликт со Луис Војткевич и Адам Калмиков, представници на бугарскиот комитет “Единство“. Тие и го организираат неговото убиство, исто и на неговите четници Георги Чолаков и Иван Трендафилов.

Стојан Карастоилов
Роден 1848
село Старчишта, Егејска Македонија, Отоманска Империја
Починал 25 ноември 1878
Оштава, Пиринска Македонија, Отоманска Империја

НаводиУреди

  1. Енциклопедия Пирински край, том 1, Благоевград, 1995, стр. 421