Стојан Илиоски
Стојан Јакимов Илиоски ( 1927 во Србјани, Кичевско — 1945 во Славонска Пожега, Хрватска) — македонски партизан, борец за слобода на Македонија и учесник во НОВ.[1]
| Стојан Илиоски | ||
| ||
| Роден | 1927 година Србјани, Кичевско, Македонија под окупација на Кралство СХС | |
|---|---|---|
| Починал | април, 1945 година Славонска Пожега, Хрватска | |
| Националност | Македонец | |
Животопис
уредиРоден е во семејство кое претежно се занимавало со земјоделие. Како симпатизер на народно ослободителното движење, активно се вклучил во народно ослободителната војска на Македонија во есента 1944 година во редовите на Првата македонска бригада. Со Бригадата зел учество во борбите за конечното ослободување на Македонија. Учествувал во борбите за Кичево, Гостивар, а потоа во составот на Четириесет и осмата дивизија заминал на Сремскиот фронт. Загинал во борба со Германците кај Славонска Пожега кон крајот на април 1945 година.[1]