Средна Гора

Средна Гора (бугарски: Средна гора) е планински масив во Централна Бугарија, кој се наоѓа јужно од планинскиот ланец Стара Планина. Средна Гора се протега од реката Искар на запад и до свиокот на Тунџа северно од Јамбол на исток. Средна Гора е долга 285 км, достигнувајќи најголема ширина од 50 километри. Нејзиниот највисок врв е Гољам Богдан со 1604 метри.

Средна Гора
Средна гора
Поглед од ридот од тракиското светилиште крај Старосел кон Средна Гора
Највисока точка
Надм. вис.	1.604 м
Друго име	Средна гора
Географија
Средна Гора на карта
Место	Бугарија
Матичен венец	Средна Гора
Искачување
Најлесен пат	Лесно планинарење.

Особености

Неколку различни ридови ја поврзуваат Средна Гора со Старопланински ланец - Г’л’бец, Козница, Стражата и Межденик, а ридовите Шумнатица и Шипочан ја поврзуваат планината со Рила. Средна Гора се состои од три дела. Границите на одделните делови минуваат по клисурите на реките Тополница и Стрјама. Деловите на кои е поделена планината се Ихтиманска Средна Гора, С’штинска Средна Гора и Срнена Средна Гора.

Од Средна Гора извираат реките Тополница, Луда Јана, Пјас'чник, Рахманлиска, Омуровска и Сазлика. За Средна Гора се карактеристични широки ливади и пасишта. Планина е позната по воите прекрасни листопадни шуми од бука и даб, а исто така габар, јасен, јавор и бреза. Средна Гора има значителни резерви на бакарна руда (Мини Асарел Медет, Мина Елешница, Мина Радка и др.) и е богата со минерални извори - Хисарја, Стрелча, Панаѓуриште и Бања.

Поврзано

• Географија на Бугарија
• Стара Планина