Рашела Мизрахи

Рашела Мизрахи (24 ноември 1981 во Скопје) — поранешна министерка за труд и социјална политика. Таа била дел од техничката влада предводена од Оливер Спасовски, формирана за спроведување на предвремените парламентарни избори во 2020 година.[1] Стапила на функцијата по предлог на опозициската ВМРО-ДПМНЕ.[2] Мизрахи е првата Еврејка во Македонија која застапувала министерска функција.[3] Таа се занимава со биохемија и ветеринарна медицина.

Рашела Мизрахи
Министерка за труд и социјална политика
На должноста
3 јануари – 15 февруари 2020
Претходник Мила Царовска
Наследник Јагода Шахпаска
Лични податоци
Роден(а) 24 ноември 1981 (1981-11-24) (38 г.)
Скопје, СР Македонија
Установа Универзитет „Св. Кирил и Методиј“
Универзитет „Бар-Илан“

Мизрахи го привлекла вниманието на јавноста по одржување прес-конференции пред табла на министерството на која стоело претходното име на државата. Грција реагирала на настанот со нота за непочитување на Преспанскиот договор.[4] На предлог на Спасовски, Мизрахи по долга расправа била разрешена од Собранието заради прекршување на Уставот.[5] Таа ја извршувала министерската функција еден месец и 12 денови.

НаводиУреди

  1. „Собранието ја изгласа техничката влада на Оливер Спасовски“. Сакам Да Кажам. 3 јануари 2020. Посетено на 15 февруари 2020.
  2. „ВМРО-ДПМНЕ ќе ја предложи Рашела Мизрахи за министерка за труд и социјала“. Сакам Да Кажам. 30 декември 2019. Посетено на 15 февруари 2020.
  3. „Најстариот израелски весник „Харец" ја претставува Мизрахи како ексминистерка од Северна Македонија“. 360 Степени. 21 февруари 2020. Посетено на 22 февруари 2020.
  4. „Димитров сугерира оставка од Мизрахи за смена на таблата на Министерството за труд и социјала“. Радио Слободна Европа на македонски јазик. 9 февруари 2020. Посетено на 15 февруари 2020.
  5. „Собранието ја разреши Рашела Мизрахи“. Радио Слободна Европа на македонски јазик. 15 февруари 2020. Посетено на 15 февруари 2020.

Надворешни врскиУреди