Отвори го главното мени

Приморски Алпи (департман)

департман во Франција

Приморски Алпи (француски: Alpes-Maritimes, окситански: Aups Maritims) — департман во регионот Прованса-Алпи-Азурен Брег, во крајниот југоисточен агол на Франција.

Приморски Алпи
Alpes-Maritimes
департман
Ница и Азурниот Брег
Ница и Азурниот Брег
Знаме на Приморски Алпи
Знаме
Грб на Приморски Алпи
Грб
Местоположба во Франција
Местоположба во Франција
Координати: 43°50′N 7°10′E / 43.833° СГШ; 7.167° ИГД / 43.833; 7.167Координати: 43°50′N 7°10′E / 43.833° СГШ; 7.167° ИГД / 43.833; 7.167
ЗемјаФранција
РегионПрованса-Алпи-Азурен Брег
ПрефектураНица
ПотпрефектураГрас
Управа
 • Прет. на ген. советЕрик Сјоти (УМП)
Површина
 • Вкупна4.299 км2 (1,660 ми2)
Население (2006)
 • Вкупно1.082.465
 • Ранг18.
 • Густина250/км2 (650/ми2)
Часовен појасCET (UTC+1)
 • Лете (DST)CEST (UTC+2)
Департман06
Окрузи2
Кантони52
Општини163
Знак кој им посакува добредојде на посетителите на Приморските Алпи

ГеографијаУреди

 
Селото Белведер

Приморските Алпи се граничат со департманот Вар на југозапад, Горнопровансалските Алпи на северозапад, Италија и Монако на исток и Средоземното Море на југ.

Топографијата е мошне разновидна. Како што кажува името, во него се протега венецот Приморски Алпи, но подеднакво својствен му е и средоземниот брег. Овие крајбрежни предели се густо населени, со непрекината конурбација од Кан од Ментон. Планинските краишта се рурални, со исклучок на големите скијачки центри Валбер, Орон и Изола 2000.

Административна поделбаУреди

 
Карта на двата округа и поголемите населени места на Приморските Алпи.

Приморските Алпи се делат на два округа:

Окрузите имаат 52 кантона со вкупно 163 општини.

Најголемите градови во департманот се слениве:

ИсторијаУреди

Подрачјето на департманот за првпат се јавува како целина во 14 г. п.н.е. кога е основан римски воен округ по иницијатива на царот Октавијан Август. Кон средината на I век се претвора во провинцијата Приморски Алпи (Alpes Maritimae) со главен град во Цеменелум (денес населбата Симје во Ница), а потоа во Ембрен. При најголемиот територијален опфат во 297 г., провинцијата се протегала на север сè до Дињ и Бријансон.

Од 1793 до 1814 г. на ова подрачје опстојувал првиот департман Приморски Алпи, но со различни граници од денешните. Во 1793 г. во него спаѓале Монако (Порт Еркил) и Санремо (Сан Рем), но не и Грас, кој тогаш бил дел од департманот Вар.

Во 1812 г. департманот броел 131.266, жители и зафаќал површина од 322.674 хектари.[1]

Во 1860 г. допаѓа до проширување на Приморските Алпи со припојување на тогашната грофовија Ница кон Франција. Кон департманот се придодадени независните градови Ментон и Рокебрин, како и округот Грас, отстапен од Вар.

СтопанствоУреди

Стопанството на Приморските Алпи во голема мера се заснова на услужните дејности. Високо се развиени и истражувачката и вишите дејности. Земјоделството и индустријата играат мошне мала улога. Од поголемо значење се градежништвото и другите јавни дејности. Стопанството е многу чувствително на промени на состојбите во државата и на меѓународен план. Невработеноста изнесува 9,1%.

Според INSEE, во 2005 г. Приморските Алпи имале БДП по глава на жител од 27.723 евра.[2] Вкупниот БДП изнесувал 29,6 милијарди евра.[2]

ПоврзаноУреди

БиблиографијаУреди

  • The Heritage of the Communes of Alpes-Maritimes in two volumes, Flohic Éditions, collective work, volume I, Cantons of Antibes to Levens, January 2000, Paris, 504 pages, ISBN 2-84234-071-X, Jean-Luc Flohic
  • The Heritage of the Communes of Alpes-Maritimes in two volumes, Flohic Éditions, collective work, volume II, Cantons of Menton to Villefranche-sur-Mer, January 2000, Paris, 574 pages, ISBN 2-84234-071-X, Jean-Luc Flohic, p. 505 to 1079
  • Rural Architecture of Alpes-Maritimes, Édisud, Philippe de Beauchamp, 1992, Aix-en-Provence, 140 pages, ISBN 2-85744-612-8, Photographer Loîc-Jahan
  • Religious Art in Alpes-Maritimes, Édisud, Philippe de Beauchamp, 4th Quarter 1993, Aix-en-Provence, 144 pages, ISBN 2-85744-485-0, Photographer Loîc-Jahan

НаводиУреди

  1. Almanach Impérial an bissextil MDCCCXII — „Галика“, стр. 368, посет. 24 јули 2013 г (француски)
  2. 2,0 2,1 Необработени податоци за БДП при тековните цениINSEE (француски)

Надворешни врскиУреди