Општини во Франција
Општина (француски: commune) — најситна административна единица во Франција. Нејзин еквивалент се општините во Германија, околиите во Британија или најмалите општини во Македонија.
Општината во Франција може да биде милионски град како Париз; помал град од десет илјади жители, или пак мало селце со десет лица.
Историја
уредиОпштините во Франција се појавуваат во 1789 г, во екот на Француската револуција. Со ликвидацијата на градскиот началник, револуционерите во Париз создаваат општина од граѓански и народен карактер, заменувајќи ги дотогашните со повелба од кралот или благородник. Овој пример го проследиле и многу други градови во земјата, па така, на 14 декември 1789, Националното собрание донесува закон со кој општината добива официјален статус. Ова важело не само за градовите, туку за сите населени места, заклучно со селските околии. Револуционерите се инспирирале од идеите на Рене Декарт и филозофијата на Просветителството, раскинувајќи ги сите врски со конзервативното минато.
Општи особености
уредиНа 9 јануари 2008, во Франција имало 36.781 општини, од кои 36.569 во континентална Франција и 212 во прекуморските територии.[1][2] Вкупниот број на општини е многу повисок од секоја друга европска земја. Ова се должи на тоа што општините и денес ја отсликуваат традиционалната поделба на Франција на села и околии во времето на револуцијата.
Класификација
уредиINSEE-кодови: INSEE им дава бројчени назнаки на сите административни единици во земјата, а особен пример за ова се општините (овие броеви не се исти со поштенските броеви). Целосниот код има 8 бројки и три празни места, но постојат „позгодни“ кодови со 5 бројки, без празни места:
- Две бројки (департман) и три бројки (општина) за местата во 96-те департмани во континенталан Франција.
- Три бројки (департман или заедница) и две бројки (општина) за прекуморските департмани, прекуморските заедници и прекуморските земји.
Поврзано
уредиНаводи
уреди- ↑ INSEE, Влада на Франција. „Географски — Présentation“. Посетено на 27 јуни 2008. (француски)
- ↑ INSEE, Влада на Франција. „Законик за прекуморските заедници (COM)“. Посетено на 27 јуни 2008. (француски)
- La Documentation française Le développement de l'intercommunalité : la révolution discrète
- Les villes et communes de france Архивирано на 10 јули 2019 г. lescommunes.com: contacts, offices du tourisme et maire, Hall and Tourist Office, statistiques, photographies.
- Maryvonne Bonnard, Les collectivités territoriales en France, 2005, La Documentation française, ISBN 2-11-005874-9
Надворешни врски
уреди- Целосен список на градови и општини во Франција Архивирано на 10 јули 2019 г. (француски) (англиски) (германски) (шпански) (италијански) (холандски)