Википедија

Општина Кршко

општина во Словенија

Општина Кршко (словенечки: Občina Krško) — општина во Посавскиот регион, источна Словенија. Подрачјето традиционално е поделено помеѓу областите Долна Штаерска (на левиот брег на Сава) и Долењска (на десниот). Во 2020 г. населението броело 26.224 жители.[1]

Општина Кршко
Občina Krško
општина
Грб на Општина Кршко
Грб
Местоположба во Словенија
Местоположба во Словенија
Земја Словенија
СедиштеКршко
Управа
 • ГрадоначалникМиран Станко
Површина
 • Вкупна286,5 км2 (1,106 ми2)
Надм. вис.&10000000000000163000000163 м
Население (2020)[1]
 • Вкупно26.224
 • Густина9,2/км2 (24/ми2)
Час. појасCET (UTC+01)
 • Лето (ЛСВ)CEST (UTC+02)
Пошт. бр.8270
Повик. бр.(+386) 07
Рег. таб.KK
Мреж. местоkrsko.si Уредете го ова на Википодатоците

Историја

уреди

Археолошките наоди покажуваат дека подрачјето е населено уште во праисторијата. Долж реката Сава има бројни наоѓалишта од бронзеното и железното време, како и од римскиот период, што укажува на непрекинато живеење. По средновековниот период овој крај станал владение на Хабсбурговците. Од XV до XVII век кршкото подрачје било мета на османлиски напади.

Знаменитости

уреди

Општината има разни знаменитости како the енориската црква „Св. Јован Богослов“ во Кршко,[2] црквата „Св. Руперт“ во Видем,[3] црквата „Св. Дух“ на десниот брег на Сава,[4] Капуцинскиот манастир,[5] и остатоците замокот Кршко. Понајуг се наоѓа замокот Шрајбарски турн, изграден во XVI век. Од природните знаменитости можат да се одвојат пештерата Костањевичка Јама во подножјето на венецот Горјанци и Краковската Шума — единствената прашума во Словенија каде расте дабот стежер (Quercus robur) и претставува живеалиште за неколку ретки и загрозени животински видови.

Стопанство

уреди

Во Општина Кршко Поле се развиени градежништвото, металообработката, производството на хартија, текстилството, дрвопреработката, земјоделството, трговијата и превозот, додека туризмот сè уште е во развој. Во плодната раминица на југоисток од градот Кршко крај брегот на Сава наречена Кршко-брежичко Поле има лозја и овоштарници со јаболка, круши, праски, кајсии и сливи. Овдешните винарии се познати по сортите „цвичек“, „лашки ризлинг“, „модра франкиња“, а и по помалку познати месни вина како бел и црвен сремичан.

Населени места

уреди

Покрај општинското седиште Кршко, општината ги опфаќа и следните населени места:

Поврзано

уреди

Наводи

уреди
  1. ↑ 1,0 1,1 „Prebivalstvo po naseljih, podrobni podatki, Slovenija, 1. januar 2020“. Statistični urad Republike Slovenije. 8 јуни 2020. Посетено на 8 јуни 2020.
  2. ↑ Културнонаследен регистар на Словенија, рег. бр. 1950
  3. ↑ Културнонаследен регистар на Словенија, рег. бр. 3485 и 3486
  4. ↑ Културнонаследен регистар на Словенија, рег. бр. 305
  5. ↑ Културнонаследен регистар на Словенија, рег. бр. 10286

Надворешни врски

уреди
Преземено од „https://mk.wikipedia.org/w/index.php?title=Општина_Кршко&oldid=5305372“