Трговија

Трговијата претставува размена на добра и/или услуги. Размените можат да се одвиваат меѓу две странки (билатерална трговија) или меѓу повеќе од две странки (мултилатерална трговија). Во својата оригинална форма, трговијата подразбирала трампа т.е. размена на добра и услуги со еднаква признаена вредност за двете странки. Денешните трговци генерално преговараат користејќи стандардизиран медиум на размена т.е. пари, и ретко кога се трампаат: како резултат, можно е да се разликува купување и заработување од продавање. Појавата на парите (а подоцна и на кредитот, банкнотите и нефизичките пари) до огромен степен го поедноставува и промовира развојот на трговијата. Трговијата се дели на внатрешна трговија и надворешна трговија. Внатрешната трговија се дели на трговија на големо и трговија на мало. Според територијата, внатрешната територија може да биде државна, регионална, општинска, локална, месна и др. Надворешната трговија претставува увоз или извоз надвор од границите на државата.

Трговец во Германија, 16 век

Трговијата како тема во уметноста и во популарната култура

Трговијата и трговците се јавуваат како тема во уметноста и во популарната култура:

• „Кирајџиче, јабанџиче“ - македонска народна песна.
• „Кираџивче, меанџивче“ - македонска народна песна.
• „Кираџи млади јабанџи“ - македонска народна песна.
• „Ришнанин хаџија и трговецот Лимун“ (српски: Ришњанин хаџија и Лимун трговац) - српска ајдучка песна.
• „Вљубениот трговец“ – книга на Гаспар де Агилар од 1616 година.
• „Во трговскиот центар“ — расказ на македонскиот писател Игор Лозаноски од 2020 година.
• „Трговецот“ (латински: Mercator)- комедија на староримскиот писател Плавт.
• „Кога јагнињата цицаат“ — краток расказ на македонскиот писател Сашо Стефановски (под псевдонимот Џанго Помалиот).
• „ГТЦ“ — краток расказ на македонската писателка Оливера Ќорвезироска од 2021 година.
• „Арс маркетика“ — краток расказ на македонската писателка Оливера Ќорвезироска од 2021 година.
• „Самопослуга“ — краток расказ на македонската писателка Оливера Ќорвезироска од 2021 година.
• „Трговецот од Венеција“ - драма на Шекспир.
• „Изгубен во супермаркетот“ (англиски: Lost In The Supermarket) - песна на англиската рок-група Клеш (The Clash) од 1979 година.
• „Бајка во супермаркетот“ (англиски: Fairy-tale in the Supermarket) - песна на британската панк-рок група Реинкоутс (The Raincoats) од 1979 година.
• „Трговецот од Венеција“ - филм од 2004 година.

Во книжевноста, трговците вообичаено се прикажани во лошо светло. На пример, во делото „Пофалба на глупоста“, Еразмо Ротердамски ги нарекува трговците „најлуд и најрасипан сој“ и „лажливци и крадци“, велејќи дека „ја извршуваат највалканата работа, и тоа на најподмолен начин“. Сепак, според него, сите ги сметаат трговците за „најугледни, зашто прстите им се оковани со злато“.

Галерија

• 
  Трговскиот центар „Бисер“ во Скопје
• 
  Трговскиот центар „Капитол“ во Скопје
• 
  Стоковната куќа „Стара НАМА“ во Охрид
• 
  Стоковна куќа „Милер“ во Вецлар, Германија
• 
  Трговскиот центар Форум во Вецлар, Германија
• 
  Продавницата на Луј Витон во Келн, Германија

Поврзано

• Бизнис
• Компаративна предност
• Апсолутна предност
• Трговска политика
• Увоз
• Извоз
• Список на меѓународни трговски теми
• Јавна размена
• Трговска блокада
• Трговски пат
• Трговска војна