Лисиче (езеро)
- За други значења на поимот Лисиче видете на појаснителната страница
Лисиче — вештачка акумулација, дел од истоимениот хидросистем, сместено во пазувите на планината Јакупица на територијата на Општина Чашка во непосредна близина на истоменото село. Водната површина иснесува еден квадратен километар и со своите 25 милиони кубни метри вода, се вбројува во средно големите акумулации во Македонија. Него го полнат две реки, Тополка и Врановска. Езерото основно служи за водоснабдување на 60-тина илјади луѓе, од општините Велес и Чашка и за наводнување.[1] Длабоко е до 60 метри и се наоѓа на 450 метри надморска височина. На средината на езерото се наоѓа Водозафатната кула, која е меѓу највисоките изградени во земјава, со височина од 70 метри. Комплетниот проект почнал да се гради од 1987 година и чинел 65 милиони евра, а завршен бил 20 години подоцна, кога бил и свечено пуштен во употреба во септември 2007 година.[2]
| Лисиче | |
|---|---|
 | |
| Координати | 41°41′36″N 21°35′54″E / 41.6933° СГШ; 21.5983° ИГД |
| Вид | вештачко |
| Главни приливи | Тополка и Врановска Река |
| Сливни земји | Македонија |
| Најг. должина | 1,35 км |
| Најг. ширина | 1,35 км |
| Површина | 1 км2 |
| Најг. длабочина | 60 м |
| Зафатнина | 25.000.000 км3 |
| Надм. височина | 450 м |
Фауна
уредиОд ихтиофауната во акумулацијата лисиче, присутни се: црна мрена, крап, кркушка, клен од семејството на краповите и македонска пастрмка од семејството на пастрмките.
Наводи
уреди- ↑ Печков, Петар (4 октомври 2009). „Лисиче со вода и за граѓаните и за земјоделците“. Ти реков ми рече. Посетено на 14 септември 2012.
- ↑ Печков, Петар (8 септември 2007). „Свечено отворање на Хидросистемот Лисиче“. Ти реков ми рече. Посетено на 14 септември 2012.