Википедија

Линк Реј

американски гитарист (1929–2005)

Линк Реј (англ. Link Wray; 2 мај 1929 – 5 ноември 2005) ― влијателен американски гитарист, текстописец и пејач кој најголема популарност имал во доцните 1950-ти. Неговите дела имале огромно влијание врз развојот на музичките правци гаражен рок, сурф-рок, хард-рок и на музиката за гитара воопшто.

Линк Реј
Линк Реј во 2005
Животописни податоци
Родено имеФред Линколн Реј Помладиот
Роден(а)мај 2, 1929(1929-05-02)
Дан, Северна Каролина, САД
ПотеклоПортсмут, Вирџинија, САД
Починал(а)ноември 5, 2005(2005-11-05) (возр. 76)
Копенхаген, Данска
Жанрови
Занимања
  • Музичар
  • текстописец
Инструменти
Период на активност1955–2005
Мреж. местоlinkwray.com

Негово највлијателно дело е инструменталната композиција „Rumble“ од 1958 година која влегла во топ-20 во САД; ова била една од првите композиции во рок музиката во која се користеле дисторзија и тремоло.

Ролинг Стоун го рангирал Реј на 45-то место на нивната листа од 100 најдобри гитаристи на сите времиња.[1] Тој претходно двапати бил номиниран за внесување во Куќата на славата на рокенролот, а бил примен со Наградата за музичко влијание во 2023 година.[2]

Живот

уреди

Фред Линколн „Линк“ Реј Џуниор е роден на 2 мај 1929 година, во Дан, Северна Каролина; по националност бил три четвртини Шони (Индијанец).[3] Детството го поминал во многу тешки услови, живеел во плитарки, без струја и греење, на училиште одел бос и парталав.[4] Тој рекол и дека неговото семејство било дискриминирано, а имало и моменти кога морале да се кријат од Кју Клукс Кланот.[5][6]

Од 1942 до 1955 година Реј со своето семејство живеел во Портсмут во Вирџинија. Таму тој ги основал неговите први групи: The Lucky Wray Band и The Palomino Ranch Gang.[7][8]

Реј служел војска за време на Корејската војна (1950–53). Се разболел од туберкулоза, и една година бил хоспитализиран. За време на престојот во болница, лекарите му отстраниле едно белодробно крило, и предвидувале дека никогаш повеќе нема да може да пее.[9]

Линк Реј од првите три брака, со Елизабет Канади Реј, Етел Тидвел Реј и Шерон Кол Реј, имал осум деца. На почетокот од 1980-тите, Реј се преселил во Данска и се оженил со Олив Поулсен, која станала негов менаџер.[10]

Реј починал од срцева слабост во Копенхаген, на 5 ноември 2005 година, на 76-годишна возраст.[11] Бил кремиран, а неговата пепел била закопана во криптата на христијанската црква во Копенхаген.[12]

Музички стил и влијание

уреди

Музичкиот стил на Линк Реј во 1950-тите бил „мешавина од кантри и рокабили“.[13] Во 1960-тите се преориентирал кон гаражен рок под влијание на сурф-рок, во раните 1970-ти свирел свамп рок и кантри рок, а од доцните 70-ти свирел хард рок.[14]

Реј се смета за изумител на квинтакордот.[13] Според Каб Кода од AllMusic, инструменталните композиции на Реј ја поставиле основата на „хеви-метал, треш и која сакаш речи ја“ музика.[13] Според Џереми Симондс, „Rumble“ помогнала за појавата на „панкот и хеви рокот“.[15]

Делата на Линк Реј влијаеле на широк спектар на уметници. Џими Пејџ рекол дека Линк Реј има „вистински бунтовнички став“, а во документарниот филм „Може да стане гласно“ (It Might Get Loud) рекол дека имал големо влијание за време на почетоците на неговата кариера. Според Rolling Stone, Пит Тауншенд од The Who рекол: „Да не беа Линк Реј и Rumble, никогаш немаше да се фатам за гитара“.[1] Марк Е. Смит од „The Fall“ во својата автобиографија напишал: „Единствени луѓе на кои навистина се огледував беа Линк Реј и Иги Поп“.[16] Иги Поп[17] и Нил Јанг[18] исто така навеле дека Реј влијаел врз нивната работа.

Боб Дилан го споменува Реј во неговата песна „Sign Language“, која ја снимил во дует со Ерик Клептон во 1975 година.[19] По смртта на Линк Реј во 2005 година, Боб Дилан и Брус Спрингстин на свои посебни концерти ја извеле мелодијата „Rumble“ во знак на почит кон влијателниот музичар.[20]

Наводи

уреди
  1. ↑ 1,0 1,1 Празен навод (help)
  2. ↑ „Kate Bush, Missy Elliott, and Rage Against the Machine Inducted Into Rock & Roll Hall of Fame's Class of 2023“. pitchfork.com. 3 May 2023. Посетено на 2023-05-03.
  3. ↑ „Ancestry of Link Wray“. Wargs.com. Посетено на 2012-08-24.
  4. ↑ „Link Wray - MEGAMIX - 16 03 1994“. YouTube.
  5. ↑ Raidt, Dana (6 February 2019). „Link Wray Grew Up Hiding from the KKK in Rural North Carolina. Over the Course of His Career, He Refused to Be Erased“. Indyweek.com. Архивирано од изворникот на 2021-09-24. Посетено на 19 October 2021.
  6. ↑ Cartwright, Garth. „Link Wray“. The Guardian. Посетено на 2 May 2016.
  7. ↑ „Musician with Virginia roots "Rumbles" for an induction into the Rock and Roll Hall of Fame“. 19 October 2017.
  8. ↑ „New Biography Covers Rock 'n' Roll Guitarist Link Wray | Coastal Virginia Magazine“. 21 June 2019.
  9. ↑ Meadows, Dick (August 28, 1971). „Link: Doing it his Way“. Sounds. Spotlight Publications. стр. 8.
  10. ↑ Bernstein, Adam (November 22, 2005). „Guitarist Link Wray Dies; Influenced Punk, Grunge“. The Washington Post. Посетено на December 8, 2013.
  11. ↑ Sisario, Ben (November 22, 2005). „Link Wray, 76, a Guitarist With Raw Rockabilly Sound, Dies“. The New York Times.
  12. ↑ „Guitarist Link Wray Dies At 76“. Billboard.com. 21 November 2005.
  13. ↑ 13,0 13,1 13,2 Koda, Cub. „Link Wray Biography“. AllMusic. Посетено на 2022-12-10.
  14. ↑ Fablo, Syd (October 16, 2016). „Link Wray – Live at The Paradiso“. Rock Salted. Посетено на 2022-12-10.
  15. ↑ Simmonds, Jeremy (2008). The Encyclopedia of Dead Rock Stars: Heroin, Handguns, and Ham Sandwiches. Chicago Review Press. стр. 559. ISBN 978-1-55652-754-8.
  16. ↑ Smith, Mark E. (2009). Renegade: The Lives and Tales of Mark E. Smith. Penguin UK. ISBN 978-0141028668.
  17. ↑ „Iggy Pop – The Colbert Report“. Comedy CentraL. 30 April 2013. Архивирано од изворникот на 2021-12-06. Посетено на 2021-12-06.
  18. ↑ Archived at Ghostarchive[мртва врска] and the „BBC Documentary; Don't Be Denied“. BBC. Архивирано од изворникот на 2013-12-22. Посетено на 2009-06-10.CS1-одржување: бот: непознат статус на изворната URL (link): „BBC Documentary; Don't Be Denied“. BBC. Посетено на 2009-06-10.
  19. ↑ „Sign Language“. Dylanchords.info. Посетено на February 4, 2020.
  20. ↑ „Sign Language: the meaning behind the music and lyrics in Dylan's song“. Bob-dylan.org.uk. 14 June 2016. Посетено на February 4, 2020.

Надворешни врски

уреди
Преземено од „https://mk.wikipedia.org/w/index.php?title=Линк_Реј&oldid=5233867“