The Who

The Who се англиска рок група создадена во 1964 година, сметана за една од најдобрите светски групи од појавата на рокенролот. Првичната постава 1964-1978 се состоела од гитаристот Пит Тауншенд, вокалист Роџер Долтри, басистот Џон Ентвисл и тапанарот Кит Мун. The Who продале околу 100 милиони плочи и се одликувале со своите необично енергични живи настапи.

The Who
The Who за време на настап во 2007 (лево: Roger Daltrey,десно: Pete Townshend), со Zak Starkey (тапани) и John "Rabbit" Bundrick (клавијатури)
Животописни податоци
Потекло	Лондон, Англија
Жанрови	Рок, Хард рок, Поп рок, Арт рок
Период на активност	1964–1982, 1985, 1988-1989, 1996–1997, 1999-present
Издавачи	Decca, Brunswick, Polydor, Track, MCA, Universal Republic, Warner Bros., (More info)
Мреж. место	www.thewho.com
Членови
Pete Townshend Roger Daltrey
Поранешни членови
John Entwistle Keith Moon Kenney Jones Doug Sandom

The Who се здобиле со слава во Велика Британија по серијата од првите десет хит синглови, започнувајќи со „I Can't Explain“ во јануари 1965 година. Следеле албумите „My Generation“ (1965), „A Quick One“ (1966) и „The Who Sell Out“ (1967). Првите два ги достигнале првите места на бртитанската топ листа. Нивната слава растела со незаборавните настапи на фестивалите во Монтереј и на Вудсток. „Tommy“, издаден во 1969 година, бил првиот од серијата албуми кои стасале на првите десет позиции во САД следен од „Live at Leeds“ (1970), „Who's Next“ (1971), „Quadrophenia“ (1973), „The Who By Numbers“ (1975), „Who Are You“ (1978) и „The Kids Are Alright“ (1979).

По смртта на Кит Мун во 1978 година групата издала уште две студиски албуми „Face Dances“ (1981) и „It's Hard“ (1982) со тапанарот Кени Џонс пред да се растурат во 1983 година. Тие повторно се собирале за такви настани како Live Aid и за турнеи како таа за нивната 25-годишнина и Quadrophenia во 1996 и 1997 година. Во 2002 година групата планирала да сними нов албум но се откажала по смртта на Џон Ентвисл на возраст од 57 години. Тауншенд и Долтри продолжиле да учестуваат на концерти, а во 2006 година го издале студискиот албум насловен „Endless Wire“ кој ги достигнал првите десет места во Велика Британија и САД.

The Who се вклучени во Холот на рокенрол славата во 1990 година.