Живко Ќоќоров
Живко Крстов Ќоќоров ( 1921 во Побожје, Скопско — 16 април 1945 во Будровци, Хрватска) — македонски партизан, борец за слобода на Македонија и учесник во НОВ.[1]
| Живко Ќоќоров | ||
| ||
| Роден | 1921 година Побожје, Скопје, Македонија | |
|---|---|---|
| Починал | 16 април, 1945 година Будровци, Хрватска | |
Животопис
уредиПроизлегува од сиромашно семејство. Се занимавал со земјоделство и чување на добиток. На 21 септември 1944 година стапил во редовите на Шеснаесеттата македонска ударна бригада, со која учествувал во борбите против силните балистички сили, како и во акциите против Германците во Качаничка Клисура. По ослободувањето на Македонија во состав на Бригадата учествувал во акциите за ликвидирање на заостанатите балистички банди на Косово. Потоа, заминал на Сремскиот фронт и се борел за ослободувањето на Војводина и Хрватска. На 16 април 1945 година во една битка кај селото Будровци, храбро загинал. Бил закопан на селските гробишта.