Евдокија Макремболитиса
Евдокија Макремболитиса (грчки: Ευδοκία Μακρεμβολίτισσα, 1021-1096) била византиска царица, втора сопруга на царот Константин X Дука, по чија смрт се омажила за цар Роман IV Диоген.
| Византиска царица | |||||
 | |||||
| Роден(а) | 1021 | ||||
|---|---|---|---|---|---|
| Починал(а) | 1096 Цариград | ||||
| Сопружник | Константин X Дука Роман IV Диоген | ||||
| Деца | Михаил VII Дука Андроник Дука Ана Дукина Теодора-Ана Дукина Константин Дука Зоја Дукина Никифор Диоген Лав Диоген | ||||
| |||||
| Династија | Династија Дука | ||||
| Татко | Јован Макремболит | ||||
Евдокија Макремболитиса била ќерка на Јован Макремболит и сестра на патријарх Михаил I Цариградски. Според Михаил Псел, Евдокија Макремболитиса се одликувала со исклучителна убавина, благородништвото и интелигенција.
Во околу 1050 година, Евдокија се омажила за идниот цар Константин X Дука, на кого му родила седум деца:
- Михаил VII Дука
- Андроник Дука, соцар
- Ана Дукина
- Теодора-Ана Дукина
- Константин Дука
- Зоја Дукина
- едно дете починало како бебе
Кога Константин X Дука починал во 1067, Евдокија Макремболитиса станала регент на својот син Михаил VII Дука. Евдокија се заколнела никогаш да не се прежени и дури по нејзина заповед во затвор бил фрлен Роман Диоген, кој бил осомничен за аспирации кон царската круна. Сепак Евдокија сфатила дека е неспособна сама да ги одбие варварските инвазии во северозападните земји на империјата.[1], поради што таа ја прекршела заклетва и се омажила за Роман Диоген без дозвола на цариградскиот патријарх[2]. Бракот бил склучен на 1 јануари 1068 година и Роман Диоген веднаш бил прогласен за соцар под името Роман IV Диоген, со чија помош Евдокија успеала да се спротивстави за кратко на варварската закана за империјата.
Од Роман IV Диоген, Евдокија Макремболитиса има две деца:
- Никифор Диоген
- Лав Диоген
Роман IV го прогласил за соимпертор на Андроник Дука, син на Евдокија и Константин X Дука, иако тој бил држен настрана од власта заедно со неговата мајка. Животот на Евдокија со вториот нејзин сопруг излегол прилично лошо. Роман IV бил воинствен и упорен и сè повеќе ја ограничувал власта на Евдокија и Михаил VII. Откако во 1071 година Роман IV бил заробен од страна на Селџуците во Битката кај Манцикерт, Евдокија Макремболитиса и Михаил VII повторно застанале на чело на власта во Цариград, додека не се разбере дека Роман IV е жив и патува кон градот. Тогаш Јован Дука, помалиот брат на Константин X Дука, со помош на гардата ја принудил на царицата да ја остави власта целосно на Михаил VII и да се повлече во манастир.[2].
Во 1078 година Михаил VII бил соборен од Никифор III Вотанијат. Новиот цар ја повикал Евдокија Макремболитиса назад во главниот град со предлог да се ожени со неа. Овој план меѓутоа бил срушен повторно од Јован Дука, кој стоел на чело на опозицијата против Евдокија.
Евдокија Макремболитиса починала како калуѓерка во 1096 година.
Наводи уреди
Literatura уреди
- The Oxford Dictionary of Byzantium, Oxford University Press, 1991.
- Lynda Garland, Byzantine Empresses: Woman and Power in Byzantium, AD 527-1204. Routledge, 1999.
- Smith, Dictionary of Greek and Roman Biography and Mythology, (1867).
- Michael Psellus. Chronographia.
Евдокија Макремболитиса Роден(а): 1021 Починал(а): 1096
| ||
| Претходник Катерина Комнинс |
Византиска царица 1059–1071 |
Наследник Марија Аланска |