Отвори го главното мени

Дивна Пешиќ (Кавадарци, 22 септември 1979) е македонска сликарка и спортистка, член на тимот на Македонија на Олимписките игри (2000 и 2004) во стрелаштво[1].

БиографијаУреди

Пешиќ е родена на 22 септември 1979 во Кавадарци, Македонија. Дипломирала на Филолошкиот факултет во Скопје, група македонски јазик и јужнословенски јазици со американски студии. Студира и последипломски студии на Економскиот факултет насока Менаџмент во банкарскиот , профитниот и непрофитниот сектор при ФОН. Вработена е во Интернационал НИК АД - центар за дигитално архивирање и дистрибуција на информации како Раководител на сектор за деловни односи. Од 2007 година ангажирана е и како ПР на машкиот кошаркарски клуб Фени Индустри кој освои Шампионска титула и Куп на Македонија за 2007/2008 и Вице шампионска титула за 2008/2009. Таа е и заштитно лице за Македонија, Србија, Бугарија и Албанија на светскиот бренд Hollywood Nails. Дивна Пешиќ е професионален спортист и повеќе од дваесет години се занимава со стрелаштво. Таа е најдобар стрелец на сите времиња со малокалибарска и воздушна пушка во Македонија со 37 државни рекорди во женска и машка конкуренција. Во 2008 била прогласена е за најдобар стрелец во Македонија во категорија на сениорки, а во 2009 е актуелен државен првак во две дисциплини со малокалибарска пушка. Таа е Балкански шампион и два пати учествувала на Олимписките игри, Сиднеј, Австралија (2000) и Атина, Грција (2004) и има постигнато врвни резултати на европските и светските натпреварувања. Со сликарство, техника масло на платно, започнала од 13-годишна возраст и досега има реализирано повеќе изложби во земјава и во странство[2][3]. Живее во Скопје и Кавадарци.

НаводиУреди

  1. „Olympics at Sports-Reference.com > Athletes > Divna Pešić“. sports-reference.com. конс. 2010-02-06. 
  2. „“Обединети во различностите“-изложба на Дивна Пешиќ во Кавадарци“ (македонски). КТВ. Сабота, 26 септември 2009 11:10. конс. 2010-02-05. 
  3. „Дивна Пешиќ со самостојна изложба на Блед“ (македонски). inpress.com.mk. конс. 2010-02-05. 

Надворешни врскиУреди