Галерија на икони (Струмица)

Галерија на икони - Струмица — музеј на икони во црквата „Св. 15 тивериополски маченици“ во градот Струмица, дел од Заводот за заштита на спомениците на културата и Музеј во Струмица.

Галерија на икони

Црквата „Св. 15 тивериополски маченици“ во која е сместена галеријата
Основан	2000
Место	Струмица, Македонија
Тип	духовен
Фонд	икони, црковни предмети

Опис

Галеријата е отворена во 2000 г. и има за цел да ја претстави уметноста во Струмичко од XV до првите десетлетија на XX век. Опфаќа 94 експонати: 66 икони со различна големина од 9 православни цркви од Струмица и околината, царски двери, плаштеница, обредни предмети, 10 богослужбени книги, 5 крста, 2 насликани манели, 4 кандила, 3 кадилници, метален дискос и свеќник. Предметите се реставрирани и конзервирани со средства на Министерството за култура. Обредните предмети се дело на кујунџии од Струмица. Во иконописот се застапени стилски белези од поствиантискиот период, левантскиот барок, па до неоромантизмот. Дел од нив се дело на струмички и други источномакедонски зографи — Григориј Пецанов, Коста Вангелов и Гаврил Атанасов.

Застапени цркви и манастири

Иконите и другите предмети потелнуваат од црквите „Св. 40 Севастиски Маченици“ во Банско, „Св. Атанасиј“ во Босилово, „Св. Богородица Елеуса“ во Вељушкиот манастир, „Св. Леонтиј“ во Водочкиот манастир, „Св. Илија“ во Габрово, „Св. Кирил и Методиј“ во Струмица, „Св. Илија“ во Нивичино, „Св. Спас“ во Колешино, „Св. Троица“ во Дабиље, „Св. Ѓорѓи“ во Ново Село, „Свети Илија“ во Градско Балдовци.

Поврзано

• Завод за заштита на спомениците на културата и Музеј во Струмица