Вододелница

Вододелница — граница на два слива во облик на линија од која водата се слева во два правца. Во повисоките краишта, делницата лежи по сртовите на ридовите и планините. Делницата потешко се утврдува во рамничарските предели, особено ако се мочурливи.

Главните сливови во Европа (сиво) и нивните вододелници (црвени линии)

Чешма како обележје на вододелницата на црноморскиот и северноморскиот слив

Видови

Постојат три вида на вододелници:

• континентална — водите што ги двои течат во различни океани. Таков пример е вододелницата Конго-Нил.
• главна вододелница — водите од секоја страна не се среќаваат, но сепак завршуваат во ист океан. Таква е делницата на Јангцекјанг и Хоангхо.
• помала делница — водите се делат, но подоцна се среќаваат во речна утока. Пример е вододелницат на Мисисипи and Мисури.

Вододелниците често претставуваат пречка во речниот сообраќај. Во прединдустриско време, пловилата се премесувале по сувоземен пат, а подоцна се прокопувале канали со цел да се спојат соседните сливови.

Поврзано

• Слив
• Растока
• Утока
• Притока
• Извор
• Планински превој
• Било