Бојчиновци
Бојчѝновци (бугарски: Бойчиновци) — гратче во северна Бугарија, административен центар на општината Бојчиновци во Монтанската Oбласт. Има население од околу 1.418 жители (2022).[1]
| Бојчиновци Бойчиновци | |
|---|---|
| град | |
.jpg) Поглед на железничката станица во Бојчиновци | |
  Бојчиновци | |
| Координати: 43°28′27″N 23°20′11″E / 43.474124° СГШ; 23.336273° ИГД | |
| Земја | Бугарија |
| Област | Монтана |
| Општина | Бојчиновци |
| Управа | |
| • Градоначалник | Светлин Сретениев (Бугарска Нова демократија) |
| Површина | |
| • Вкупна | 16,609 км2 (6,413 ми2) |
| Надм. вис. | 105 м |
| Население (2022) | |
| • Вкупно | 1.418 |
| • Густина | 85/км2 (220/ми2) |
| Час. појас | EET (UTC+2) |
| • Лето (ЛСВ) | EEST (UTC+3) |
| поштенски код | 3430 |
| Повик. бр. | +359 09513 |
| Мреж. место | boychinovtsi.bg |
Географија и местоположба
уредиГратчето се наоѓа на границата помеѓу Дунаската Рамнина и Предбалканот на 20 км североисточно од регионалниот центар Монатана. Во близина е сливот на реката Ботуња во Огоста. Бојчиновци е важен железнички јазол на линијата Софија – Видин.
Историја
уредиНаселбата била основана околу 1600 година, кога првите ѝ жители побегнале од селото Затворник кај денешното село Белотинци. Причината за нивното преселување била бесната чума.[2]Доселениците како најдобро место за населување избрале месноста „Селиштето“, која се наоѓа северозападно од сегашната локација на градот. Веднаш по Ослободувањето на Бугарија, Бојчиновци броел 300-400 луѓе. Бројот на населението почнал забрзано да расте дури во 1910-1911 година, кога била поставена железничката линија Софија – Видин. До 1916 година, населението на Бојчиновци брзо се зголемило и достигнало 1.142 жители. Во 1945 година во Бојчиновци била изградена најголемата индустриска фабрика во северозападна Бугарија, ДИК „Гаврил Генов“. Со државен Указ бр. 944 од 4 септември 1974 година Бојчиновци бил прогласен за град.
Наводи
уреди- ↑ Таблица на адресно регистрираните по постоянен и по настоящ адрес лица oт дата 15.06.2022 г.
- ↑ История на град Бойчиновци, посетен на 18 ноември 2023 г.