Википедија

Џастин Гетлин

американски атлетичар

Џастин Гетлин (роден на 10 февруари 1982 г.) е американски атлетичар кој се натпреварува во спринтерските дисциплини. Тој бил олимписки шампион во дисциплината 100 метри од игрите во Атина 2004 и го поседува петтото најбрзо време во историјата на 100 метри од 9.74 секунди.

Џастин Гетлин
Џастин Гетлин на Светското првенство 2013
Лични податоци
Полно имеЏастин Александар Гетлин
НационалностАмериканец
Роден(а)10 февруари 1982(1982-02-10) (42 г.)
Бруклин, Њујорк, САД
ЖивеалиштеОрландо, Флорида, САД
Висина&100000000000001850000001,85 м[1]
Тежина83 kg (183 lb)
Спорт
СпортАтлетика
Дисциплини100м, 200 м
Успеси и титули
Лични рекорди100 м: 9.74 (2015)
200 м : 19.57 (2015)
Освоени медали
Натпреварувач за  САД
Олимписки игри
Златен медал - прво место 2004 Атина 100 м
Сребрен медал – второ место 2004 Атина 4×100 м
Бронзен медал – трето место 2004 Атина 200 м
Бронзен медал – трето место 2012 Лондон 100 м
Светски првенства
Златен медал - прво место 2005 Хелсинки 100 м
Златен медал - прво место 2005 Хелсинки 200 м
Сребрен медал – второ место 2013 Москва 100 м
Сребрен медал – второ место 2013 Москва 4×100 м
Сребрен медал – второ место 2015 Пекинг 100 м
Сребрен медал – второ место 2015 Пекинг 200 м
Светски првенства во сала
Златен медал - прво место 2003 Бирмингем 60 м
Златен медал - прво место 2012 Истанбул 60 м
Светско првенство на штафетни трки
Златен медал - прво место 2015 Насау 4×100 м

Во 2001, тој бил суспендиран на две години од атлетиката поради позитивен допинг тест;казната подоцна била намалена на една година. Во 2006, тој добил 4 годишна суспензија од атлетиката повторно поради позитивен допинг тест, со што му бил избришан светскиот рекорд на 100 метри од 9.77 секунди. Гетлин и се вратил на атлетиката во август 2010.

На Летните олимписки игри 2012, Гетлин истрчал време од 9.79 секунди во финалето на трката на 100 метри, со што го освоил бронзениот медал. Во 2014, на митингот од дијамантската лига во Монако, на трката на 200 метри тој истрчал време од 19.68 секунди, време кое било најдобро во сезоната.[2]

Кариера

уреди

Во есента 2000, Гетлин пристигнал на Универзитетот Тенеси во Ноксвил, како добар средношколски атлетичар на трките на 110 метри со пречки. Додека одел во средно училиште, Џастин бил регрутиран за атлетика од тренерите Винс Андерсон и Бил Веб кои веднаш го забележале неговиот потенцијал и го пренасочиле во спринтерските дисциплини.[3] Под водство на Винс Андерсон, Гетлин шест пати последователно бил студентски шампион. Во есента 2002, Гетлин ги завршил студиите и се префрлил на професионално ниво. Само две години подоцна, тој го освоил златниот медал на Летните олимписки игри 2004, тесно победувајќи ги Френсин Обиквелу и бранителот на титулата Морис Грин. Тој исто така го освоил бронзениот медал на трката на 200 метри, како и сребрениот медал заедно со тимот на САД на штафетната трка на 4 x 100 м.

На Светското првенство 2005 во Хелсинки, на трката на 100 метри, Гетлин бил најголем фаворит за златниот медал откако неговиот најголем конкуент Асафа Пауел не настапил поради повреда. Во финалето тој истрчал време од 9.88 секунди освојувајќи го златниот медал пред Мајкл Фрејтер и Ким Колинс. Покрај златниот медал на 100 метри, Гетлин успеал да го освои и златниот медал на трката на 200 метри, со што станал вториот атлетичар во историјата (по Морис Грин) кој на едно светско првенство стигнал до златните медали во двете спринтерски дисциплини. Подоцна, истото го сториле и Тајсон Геј во Осака 2007 и Јусејн Болт во Берлин 2009.

На 12 мај 2006, Гетлин на митингот од златната лига во Доха, го изедначил светскиот рекорд на 100 метри на Асафа Пауел од 9.77 секунди. Најпрво било објавено дека тој го соборил светскиот рекорд постигнувајќи време од 9.76 секунди со +1.7м/с ветер. Сепак, светската атлетска федерација (IAAF) на 16 мај обелоденила дека времето изнесувало 9.766 секунди, и било заокрушено на 9.77, во согласност со прописите.[4]

Допинг казни

уреди

Во 2001, Гетлин бил суспендиран од меѓународните натпреварувања на две години откако бил позитивен на амфетаммин. Гетлин поднел жалба со образложение дека тестот бил позитивен поради лек кој тој го користел од детството, кога му било дијагностицирано хиперкинетичко пореметување. По поднесената жалба, светската атлетска федерација ја намалила казната на една година.[5]

На 29 јули 2006, Џастин Гетлин ги известил медиумите дека бил информиран од анти-допинг агенцијата на САД дека тој бил позитивен на допинг тест во април истата година. Тој изјавил:

"Не можам да ги објаснам овие резултати, бидејќи никогаш свесно не сум посегнал по некоја забранета супстанца или сум овластил некој да ми даде таква супстанца на мене."

Џастин Гетлин (2006)[6]

Се верува дека допинг тестот на Гетлин покажал зголемено ниво на "тестостерон."[7] Допинг тестот бил извршен по штафетна трка на 22 април 2006 во Лоренс, Канзас. "Б" примерокот земен во јули 2006, исто така покажал дека Гетлин е позитивен.

Во тоа време, тренер на Гетлин бил Тревор Грахам. Помеѓу атлетичарите кои Грахам ги тренирал, осум биле позитивни или биле казнети поради користење забранети суптанци.[8] Откако Гетлин паднал на тестот, Грахам во интервју изјавил дека Гетлин бил саботиран.[9] Тој го обвинил масажерот Кристофер Ветстин за нанесување на крема со тестостерон на задникот на Гетлин без негово знаење. Масажерот го отфрлил овие тврдења, изјавувајќи: "Тревор Грагам не зборува во името на Џастин Гетлин и таа приказна за мене не е вистина."[10]

На 22 август 2006, на Гетлин му била изречена осумгодишна забрана од атлетиката, со што избегнал доживотна казна поради неговата соработка со допинг телата, и поради "исклучителните околности" поврзани со неговиот прв допинг тест. Гетлин поднел жалба на изречената казна; и во декември 2007, неговата казна била намалена на 4 години.[11][12] Неговото време од 9.77 секунди поставено во мај 2006, било избришано.

Можна фудбалска кариера

уреди
 
Гетлин во 2009.

Било објавено дека Гетлин планира својата четиригодишна казна од атлетиката да ја отслужи играјќи американски фудбал. На 29 ноември 2006, од ESPN објавиле дека Гетлин тренира со Хјустон Тексанс, и покрај тоа што, тој има мало фудбалско искуство и "и не играл фудбал од 10. одделение".[13]

На 4 мај 2007, од клубот Тампа Беј Баканирс објавиле дека Гетлин е еден од 28. слободни играчи донесени на нивниот камп за дебитанти на пробен договор, и бил сметан за најинтересен спортист присутен на кампот. Тој се пробал на позицијата крило.

Тој не бил успешен иако изјавил дека верува дека ги поседува сите потребни вештини и дека единствената причина поради која не бил избран во тимот е поради тоа што тренерите го гледале како "атлетичар."[14][15]

Враќање

уреди
 
Гетлин ја слави победата на Светското првенство во сала 2012.

На 3 август 2010, Гетлин се вратил на атлетските патеки по четиригодишната допинг казна и настапил на трки во Естонија и Финска. Тој победил на трка на 100 метри во Раквере, со време од 10.24 секунди.[16] На митинг во Талин тој победил со време од 10.17 секунди. Неговиот тренер, Лорен Сигрејв, потврдил дека резултатите се слаби, но неговото завршување на трките останало силно.[17]

На 25 јуни 2011, на државното првенство на САД, Гетлин завршил на второто место на трката на 100 метри зад Волтер Дикс со време од 9.95 секунди, време кое било негово најдобро во сезоната, и обезбедил учество на Светското првенство 2011, каде настапот го завршил во полуфиналето. Гетлин се појавил на јапонското тв шоу „Kasupe!“ на 1 ноември 2011, каде со помош на ветар истрчал 100 метри за 9.45 секунди. Ветерот бил пуштен преку голема машина за ветер која дувала со брзина од 25 метри по секунда. Гетлин добил 2 милони јени (приближно 25,000 долари) за учеството во емисијата.[18]

Во мај 2012, на митингот од дијамантската лига во Доха, Гетлин истрчал време од 9.87 секунди, победувајќи го Асафа Пауел за една стотинка. На 24 јуни 2012, Гетлин победил на трката на 100 метри на олимпиското изборно натпреварување на САД во Јуџин со најдобро време во кариерата од 9.80 секунди, време кое било најдобро во историјата истрчано од човек над 30 години. На Летните олимписки игри 2012 во Лондон, тој го освоил бронзениот медал и го подобрил своето најдобро време на 9.79 секунди, завршувајќи зад Јусејн Болт, и Јохан Блејк.

На 6 јуни 2013, Гетлин го победил Јусејн Болт за една стотинка и победил на трката на 100 метри на митингот во Рим, Италија.[19] На Светското првенство 2013, Гетлин го освоил сребрениот медал зад зад Болт на трката на 100 метри со време од 9.85 секунди. Победничкото време на Болт изнесувало 9.77 секунди. Гетлин исто така го освоил и сребрениот медал со тимот на САД на штафетната трка на 4x100 м, заостанувајќи зад тимот на Јамајка.

На 5 септември 2014, Гетлин победил на трката на 100 метри на последниот митинг од дијамантската лига во Брисел со најдобро време во кариерата од 9.77 секунди. Тој стигнал до двојна титула на митингот, откако успеал да победи и на трката на 200 метри. Тој остварил втор најдобар резултат во сезоната на 200 метри, зад неговиот резултат од 19.68 секунди поставен на митингот во Монако претходно во сезоната.[20] Резултатите на Гетлин му донеле номинација за атлетичар на годината. Другите атлетичари гледале скептично на Гетлин, прашувајќи се дали тој има предност од користењето на забранети супстанци во минатото.[21] Германскиот шампион во фрлање диск Роберт Хартинг побарал од светската атлетска федерација неговата номинација за атлетичар на годината да биде поништена во знак на протест поради номинацијата на Гетлин.[22]

На 15 мај 2015, Гетлин го подобрил своето најдобро време во кариерата на 9.74 секунди (+0.9м/с) на митингот во Доха.[23] Резултатот бил најбрз во светот по времето од 9.69 секунди на Јохан Блејк кој го истрчал во август 2012.[24] На 5 јуни 2015, Гетлин го победил Јусејн Болт на трката на 100 метри за една стотинка истрчувајќи време од 9.75 секунди.

На Светското првенство 2015 во Пекинг, Гетлин за една стотинка бил поразен од Болт на трката на 100 метри, истрчувајќи време од 9.79, со што го освоил сребрениот медал. Тој и вторпат бил поразен од Болт на првенството, овојпат на трката на 200 метри. Времето на Болт било 19.55 секунди, а Гетлин завршил втор со време од 19.74 секунди.

Лични рекорди

уреди
Дисциплина Резултат Место Датум
60 м (во сала) 6.45   Бостон, САД 1 март 2003
100 м 9.74   Доха, Катар 15 мај 2015
200 м 19.57   Јуџин, САД 28 јуни 2015

Наводи

уреди
  1. ↑ Justin Gatlin's profile at the IAAF site
  2. ↑ „Justin Gatlin wins 200m in Monaco“. BBC Sport. BBC Sport. Посетено на 19 July 2014.
  3. ↑ „USOC profile: Justin Gatlin“. Архивирано од изворникот 2007-05-09. Посетено на 2007-07-24.
  4. ↑ „Gatlin's time corrected to 9.77 – EQUALS 100m World Record“. Архивирано од изворникот на 2007-08-14. Посетено на 2007-07-19.
  5. ↑ „The Best Ever World Juniors“ (PDF). Архивирано од изворникот (PDF) на 2003-09-08. Посетено на 2007-07-19.
  6. ↑ „Gatlin admits failing drugs test“. BBC News. July 29, 2006. Посетено на 2007-07-19.
  7. ↑ „Sprinter Gatlin reveals failed drug test“. Архивирано од изворникот 2007-05-18. Посетено на 2007-07-19.
  8. ↑ MacKay, Duncan (July 31, 2006). „Gatlin turns into the fastest falling hero in the world“. The Guardian. London. Посетено на 2007-07-24.
  9. ↑ „Gatlin set up: coach“. The Globe and Mail. Toronto. Посетено на 2007-07-24.
  10. ↑ „Gatlin masseur denies dope claim“. BBC News. August 2, 2006. Посетено на 2007-07-24.
  11. ↑ http://www.telegraph.co.uk/sport/othersports/athletics/7922713/Justin-Gatlin-ends-four-year-drugs-ban-as-US-sprinter-makes-low-key-comeback-in-Estonia.html
  12. ↑ http://news.bbc.co.uk/sport2/hi/athletics/7167246.stm
  13. ↑ „Gatlin, banned from track, works out for Texans“. Посетено на 2007-07-19.
  14. ↑ Olympic medalist Gatlin at Buccaneers minicamp
  15. ↑ „Ready to Compete“. Посетено на 2007-07-19.
  16. ↑ „Justin Gatlin returns after doping ban with 100m win“. BBC News. August 3, 2010. Посетено на 2010-08-03.
  17. ↑ Gatlin continues comeback with second win. Reuters. Посетено на 2010-08-09.
  18. ↑ Kasupe!. Посетено на 2011-11-1.
  19. ↑ „Justin Gatlin edges Usain Bolt in 100“. ESPN. Посетено на 7 June 2013.
  20. ↑ [1]. Посетено на 2014-9-5.
  21. ↑ Justin Gatlin: Dopers could benefit 'for decades', scientists find, BBC Sport
  22. ↑ Justin Gatlin: Why US sprinter's success is bad for athletics, BBC Sport
  23. ↑ „архивски примерок“. Архивирано од изворникот на 2015-05-17. Посетено на 2015-09-04.
  24. ↑ http://www.iaaf.org/records/toplists/sprints/100-metres/outdoor/men/senior

Надворешни врски

уреди
Преземено од „https://mk.wikipedia.org/w/index.php?title=Џастин_Гетлин&oldid=5077715“