Јуриј Худолин

Јуриј Худолин (словенечки: Jurij Hudolin, Љубљана, 1973 - Денес) словенечки поет, писател, критичар, колумнист и преведувач,

Биографија

Средното образование го завршува во Пула и Љубљана, а потоа се запишува на Филозофскиот факултет во Љубљана, каде што студира компаративна книжевност и српскохрватски јазик. По завршувањето на студиите станува слободен писател, што е и денес. Своето книжевно творештво го започнува многу рано: во 1991 година, кога имал само осумнаесет години, ја објавува својата прва поетска книга »Ако лагата е крал«. Со неа се издигна меѓу најистакнатите поети на својата генерација. До 2001 година кога ја објави стихозбирката »Зборува жената«, беше верен на бунтовничкиот став во обезвреднетиот свет, илустриран со надреална сугестивност и мрачна симболика. Потоа бунтот го заменува со трезвеното размислување за светот, но не и со помирување со него. Бил колумнист на Дело, Дневник, Вечер, РТВ Словенија и други истакнати словенечки медиуми.

Напишал петнаесет сценарија за документарни филмови, од кои најзабележителни се портретот на Златко Заховиќ (Изгонетиот мајстор) и портретот на Милко Ѓуровски (Кога топката ни падна на глава).

По 2005 година, тој почна да објавува проза и оттогаш објави седум романи и збирка раскази. Во својата проза најчесто ги опишува меѓучовечките односи и животот во различни градови и места каде што самиот живеел, од Медитеранот до континенталната Љубљана, и во градовите каде што престојувал како литературен научник или преведувач и творел. Авторот се карактеризира со сопствена единствена синтакса и богат израз. Неговиот најпознат роман е Посинок. Кој е преведен на шест јазици, од неодамна на германски како Дер Стиефсохн. Романот Ингрид Розенфелд, кој зборува за Евреите, насилството и нежноста, живописната визија за светот и нескротливата љубов кон литературата, беше номиниран за наградата Кресник во 2014 година: овој роман е ризница на светскиот и на словенечкиот книжевен канон. Неговите најнови романи Времето на убавите жени (Белетрина, 2023) и Велика и машки пол (КУД Апокалипса, 2023) беа одлично прифатени од словенечките читатели и критичари. Неговите дела се обработувани и во дипломски и магистерски трудови.

За својата работа има добиено повеќе признанија, награди и номинации, а добитник е и на различни домашни и странски стипендии. Книгите на Худолин се преведени на германски, унгарски, чешки, хрватски, англиски, македонски, српски и албански јазик.

Библиографија

Поетски збирки

• „Če je laž kralj/Ако лагата е крал“ (1991)

• „Ajdbog in ptičvolkkača/Ајдбог и врколакот“ (1992)

• „Bestije/Ѕверови“ (1993)

• „Divjanje/Дивеење“ (1994)

• „Prividi nemirnega čudaka/Привиденија на немирниот чудак“ (1998)

• „Govori ženska/Зборува жената“ (2001)

• „Ljubezni/Љубови“ (2008)

• „Žival in lakaj najdeta ljubezen/Животното и лакејот наоѓаат љубов“ (2009)

• „Čakanje revolucije in modrosti/Чекање на револуција и мудрост“ (2013)

• „Prištinski dnevnik/Приштински дневник“ (2015)

• „Pudak in Rosenmind/Пудак и Розенмајнд“ (2018)

Романи, раскази, колумни, биографии, биографски романи

• „Pusti ti to (izbrane kolumne)/Остави го тоа (одбрани колумни)“ (2004)

• „Objestnost (roman)/Разузданост (роман)“ (2005)

• „Pastorek (roman)/Посинок (роман)“ (2008)

• „Vrvohodec (roman)/Еквилибрист (роман)“ (2011)

• „Na kolodvorski ulici nič novega (kratke zgodbe)/Ништо ново на улицата покрај железничката станица (раскази)“ (2012)

• „Ingrid Rosenfeld (roman)/Ингрид Розенфелд (роман)“ (2014)

• „Osnove ljubezni in zla (roman)/Основи на љубовта и злото (роман)“ (2016)

• „Trst via Ljubljana (roman)/Трст преку Љубљана (роман)“ (2017)

• „Ljubljanske ulice (roman)/Љубљански улици (роман)“ (2018)

• „O smehu Zlatka Čordića (biografski esej)/За смеата на Златко Чордиќ (биографија)“ (2019)

• „Samohodec (biografski roman / po nekaterih motivih iz življenja Igorja Vidmarja)/Самоодец (биографски роман, според мотиви од животот на Игор Видмар)“ (2020)

• „Pisma s potovanja (eseji, potopisi, portreti)/Писам од патувањњто (есеи, патописи, портрети)“ (2021)

• „Čas lepih žensk (roman)/Времето на убавите жени (роман)“ (2023)

• „Velika in moški spol (roman)/Велика и машкиот пол (роман)“ (2023)

Антологии

• „Ten Slovenian poets of the nineties: [selected poems]/Десетмина словенечки поети од деведесеттите: [избрани песни]“ (2002)

• „Česko-slovinská literární setkání/Чешко-словенечка книжевна средба“(2003)

• „Mi se vrnemo zvečer : antologija mlade slovenske poezije: 1990-2003/Се враќаме навечер: антологија на младата словенечка поезија: 1990-2003“ (2004)

• Vraćamo se uvečer : antologija mlade slovenske poezije, 1990-2003/ Се враќаме навечер: антологија на младата словенечка поезија, 1990-2003“ (2006)

• „Savremena slovenačka poezija: (ludilo singulariteta)/Современа словенечка поезија: (лудило на сингуларноста)“ (2008)

• „Decametron: dieci poeti sloveni contemporanei: (nati tra il 1960 e il 1980)/Декаметрон: десетмина современи словенечки поети (родени во 1960-тите и 1980-тите)“ (2009)

• „Pordenonelegge 2010: Evropa onkraj meja = l'Europa oltre confine: Društvo slovenskih pisateljev na festivalu Pordenonelegge 2010/Pordenonelege 2010: Европа надвор од границите: Друштво на словенечки писатели на фестивалот Pordenonelegge 2010“ (2010)

• „Atlas evropske lirike/Атлас на европската лирика“ (2013)

• „Sodobna slovenska poezija v portugalskih prevodih/Современа словенечка поезија во португалски преводи“ (2016)

• „Darovi evropske priče/Подароци на евроската приказна“ (2016)

• „Odisejevo utočište: poezija na tri mjesta = Odisejevo zatočišče/Засолниште на Одисеј: поезија на три места“ (2019)